మొబైల్ ప్రీమియర్ లీగ్‌తో బీసీసీఐ అధికారిక ఒప్పందం

టీమిండియా కిట్ అండ్ మర్కండైజ్ స్పాన్సర్‌గా ఎంపీఎల్ స్పోర్‌‌ట్స అపెరల్ అండ్ యాక్సెసరీస్తో బీసీసీఐ తాజాగా ఒప్పందం కుదుర్చుకుంది. ఇ-స్పోర్‌‌ట్స ప్లాట్‌ఫామ్ అయిన మొబైల్ ప్రీమియర్ లీగ్ (ఎంపీఎల్)కు చెందినదే ఈ ఎంపీఎల్ స్పోర్‌‌ట్స. ఇకపై భారత సీనియర్ పురుషుల, మహిళల జట్లు, అండర్-19 టీమ్‌ల జెర్సీలపై ‘ఎంపీఎల్’ లోగో కనిపిస్తుంది.

మూడేళ్ల కాలానికి...
2020, నవంబర్ 27 నుంచి ఆస్ట్రేలియాతో జరిగే తొలి వన్డే నుంచి ఈ ఒప్పందం అమల్లోకి రానుండగా... 2023 డిసెంబర్ వరకు మూడేళ్ల కాలానికి ఎంపీఎల్-బీసీసీఐ భాగస్వామ్యం కొనసాగుతుంది. టీమిండియా అధికారిక జెర్సీలతో పాటు ఇతర క్రీడా సామగ్రిని అమ్ముకునేందుకు కూడా ఎంపీఎల్‌కు హక్కులు లభిస్తాయి. ఐపీఎల్-2020లో కోల్‌కతా నైట్‌రైడర్స్ జట్టుకు ఎంపీఎల్ ప్రధాన స్పాన్సర్‌గా వ్యవహరించింది.

క్విక్ రివ్యూ :
ఏమిటి : బీసీసీఐతో ఒప్పందం
ఎప్పుడు : నవంబర్ 17
ఎవరు : ఎంపీఎల్ స్పోర్ట్స్ అపెరల్ అండ్ యాక్సెసరీస్
ఎందుకు : టీమిండియా కిట్ అండ్ మర్కండైజ్ స్పాన్సర్‌గా వ్యవహరించేందుకు