హెచ్‌ఏఎల్‌లో అపాచీ తరహా హెలికాప్టర్ల తయారీ

2027 కల్లా ఈ సైనిక హెలికాప్టర్లను తయారు చేసి భారత అమ్ముల పొదిలో చేర్చడానికి క్షేత్రస్థాయిలో పని ప్రారంభించినట్టు హాల్ చైర్మన్, మేనేజింగ్ డెరైక్టర్ మాధవన్ మార్చి 1న వెల్లడించారు. రానున్న సంవత్సరాల్లో భారత్‌లోని త్రివిధ బలగాలకు అవసరమైన హెలికాప్టర్లను తామే రూపొందించడానికి కృషి చేస్తున్నట్టు చెప్పారు.

2023 నాటికి..
ప్రభుత్వం అనుమతినిస్తే 500 యూనిట్లలో హెలికాప్టర్‌కు సంబంధించిన తొలి నమూనా పని 2023 నాటికి పూర్తయ్యేలా హాల్ లక్ష్యంగా నిర్ణయించింది. మి-17 స్థానంలో 10-12 టన్నుల కేటగిరీలో హెలికాప్ట్టర్ల తయారీపై హాల్ దృష్టి పెట్టింది. పూర్తి స్వదేశీ పరిజ్ఞానంతో 500 హెలికాప్టర్ల తయారు చేయగలిగితే విదేశాల నుంచి రూ. 4 లక్షల కోట్లకు పైగా విలువైన దిగుమతుల్ని నిరోధించవచ్చునని మాధవన్ వెల్లడించారు. తేజస్ యుద్ధ విమానాల తయారీ తర్వాత హాల్ చేపట్టిన అతి పెద్ద ప్రాజెక్టు ఇదే.

క్విక్ రివ్యూ :
ఏమిటి : హెచ్‌ఏఎల్‌లో అపాచీ తరహా హెలికాప్టర్ల తయారీ
ఎప్పుడు : మార్చి 1
ఎవరు : హాల్ చైర్మన్, మేనేజింగ్ డెరైక్టర్ మాధవన్
ఎందుకు : భారత్‌లోని త్రివిధ బలగాలకు అవసరమైన హెలికాప్టర్లను అందించేందుకు