గుడికో గోమాత కార్యక్రమాన్ని ప్రారంభించనున్న స్వతంత్ర సంస్థ?

హిందూ ధర్మ ప్రచార పరిషత్, టీటీడీ ఎస్వీ గోసంరక్షణశాల ఆధ్వర్యంలో ఈ కార్యక్రమాన్ని అమలు చేయనున్నారు. ఏపీలోని 13 జిల్లాలు, తెలంగాణలోని పాత 10 జిల్లాల్లో... జిల్లాకు ఒక ఆలయం చొప్పున, కర్ణాటకలోని 5 దేవాలయాల్లో కలిపి మొత్తం 28 ఆలయాల్లో ప్రయోగాత్మకంగా ఈ కార్యక్రమం ప్రారంభిస్తారు. ప్రసుత్తం టీటీడీ ధర్మకర్తల మండలి అధ్యక్షుడిగా వైవీ సుబ్బారెడ్డి ఉన్నారు.

కర్ణాటక భవన సముదాయాల నిర్మాణానికి భూమి పూజ
2008 ఏడాదిలో టీటీడీ తిరుమలలోని కర్ణాటక చారిటీస్‌కు 7.05 ఎకరాల భూమిని 50 ఏళ్లకు లీజుకు ఇచ్చింది. ఈ స్థలంలో రూ.200 కోట్లతో నూతన వసతి సముదాయాల నిర్మాణం చేపట్టడానికి 2020, జూలైలో కర్ణాటక ప్రభుత్వం, టీటీడీ మధ్య అంగీకారం కుదిరింది. ఈ నేపథ్యంలో నూతనంగా నిర్మించనున్న వసతి సముదాయాలకు ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్‌మోహన్‌రెడ్డితో కలిసి కర్ణాటక ముఖ్యమంత్రి బీఎస్ యడియూరప్ప సెప్టెంబర్ 24న భూమి పూజ చేశారు. టీటీడీ ఈ నిర్మాణాలు పూర్తి చేసి కర్ణాటక ప్రభుత్వానికి అప్పగించనుంది.

క్విక్ రివ్యూ :
ఏమిటి : గుడికో గోమాత కార్యక్రమాన్ని ప్రారంభించనున్న స్వతంత్ర సంస్థ
ఎప్పుడు : సెప్టెంబర్ 24
ఎవరు : తిరుమల తిరుపతి దేవస్థానం (టీటీడీ) ట్రస్టు
ఎక్కడ : ఆంధ్రప్రదేశ్, తెలంగాణ, కర్ణాటక