దేశంలోని అన్ని రాష్ట్రాల్లోని ప్రాంతీయ భాషలకు హిందీ స్నేహపూర్వకమైన భాష అని కేంద్ర హోం మంత్రి అమిత్‌ షా వ్యాఖ్యానించారు. భారత్‌లోని అన్ని ప్రాంతీయ భాషలను ప్రోత్సహించాల్సిన అవసరముందని చెప్పారు. సెప్టెంబర్‌ 14న ఢిల్లీలో నిర్వహించిన ‘హిందీ దివస్‌’ కార్యక్రమంలో ఆయన ప్రసంగించారు. 1949 సెప్టెంబర్‌ 14న భారత్‌ హిందీని అధికార భాషగా ప్రకటించింది. ప్రముఖ కవి బెయోహర్‌ రాజేంద్ర సింహా 50వ పుట్టినరోజున(1949 సెప్టెంబర్‌ 14) హిందీని అధికారిక భాషగా స్వీకరించడం జరిగింది.
చింతన్‌ శివిర్‌...
కేంద్ర మంత్రులతో సెప్టెంబర్‌ 14న ప్రధాని మోదీ సమావేశమయ్యారు. రాష్ట్రపతి భవన్‌లోని ఆడిటోరియంలో చింతన్‌ శివిర్‌ పేరిట జరిగిన ఈ సమావేశంలో నిరాడంబరత ప్రాధాన్యాన్ని మోదీ వివరించారు.
పోస్టల్‌ కవర్‌పై బొబ్బిలి వీణ
ప్రఖ్యాతి చెందిన బొబ్బిలి వీణ చిత్రంతో తపాలా శాఖ ప్రత్యేక కవరును ముద్రించింది. దీనిని విజయనగరం జిల్లా బొబ్బిలిలో రోటరీ క్లబ్‌ ఆధ్వర్యంలో సెప్టెంబర్‌ 14న ఏర్పాటు చేసిన కార్యక్రమంలో ఆంధ్రప్రదేశ్‌ ఉప ముఖ్యమంత్రి, గిరిజన సంక్షేమ శాఖ పాముల పుష్పశ్రీవాణి ఆవిష్కరించారు.
చ‌ద‌వండి: ఎన్‌ఐఆర్‌ఎఫ్‌ ర్యాంకుల్లో అగ్రస్థానంలో నిలిచిన ఐఐటీ?
క్విక్‌ రివ్యూ :
ఏమిటి : హిందీ దివస్‌ కార్యక్రమంలో ప్రసంగం
ఎప్పుడు : సెప్టెంబర్‌ 14
ఎవరు : కేంద్ర హోం మంత్రి అమిత్‌ షా
ఎక్కడ : న్యూఢిల్లీ
ఎందుకు : హిందీ దివస్‌(హిందీ దినోత్సవం) సందర్భంగా...
More Articles
Most Read
