షూటింగ్ మిక్స్‌డ్ ఈవెంట్‌లో మనుకు స్వర్ణం

పోటీల చివరి రోజు నవంబర్ 22న 10 మీటర్ల ఎయిర్ పిస్టల్ మిక్స్‌డ్ టీమ్ ఈవెంట్‌లో భారత షూటర్లు మను భాకర్, సౌరభ్ చౌదరీ, షాజర్ రిజ్వీ వరుసగా స్వర్ణ, రజత, కాంస్య పతకాలను గెలిచారు. ఈ ఈవెంట్ ఫైనల్లో మను (భారత్)-చెర్నూసోవ్ (రష్యా) ద్వయం 17-13 పాయింట్లతో సౌరభ్ చౌదరీ (భారత్)-అన్నా కొరాకకీ (గ్రీస్) జోడీపై విజయం సాధించింది. కాంస్య పతకం మ్యాచ్‌లో రిజ్వీ (భారత్)-జొరానా (సెర్బియా) జంట 17-15తో వు జియావు (చైనా)-వితాలినా (రష్యా) జోడీపై గెలిచింది.

మరోవైపు 10 మీటర్ల ఎయిర్ రైఫిల్ మిక్స్‌డ్ టీమ్ ఈవెంట్‌లో దివ్యాన్‌‌ష సింగ్ స్వర్ణం, అపూర్వీ చండేలా రజతం గెల్చుకున్నారు. ఈ ఈవెంట్ ఫైనల్లో దివ్యాన్‌‌ష (భారత్)-నెజానా (క్రొయేషియా) ద్వయం 16-14తో జాంగ్ చాంగ్‌హోంగ్ (చైనా)-అపూర్వీ (భారత్) జంటపై గెలిచి స్వర్ణం కైవసం చేసుకుంది.

క్విక్ రివ్యూ :
ఏమిటి : షూటింగ్ 10 మీటర్ల ఎయిర్ పిస్టల్ మిక్స్‌డ్ టీమ్ ఈవెంట్‌లో స్వర్ణం
ఎప్పుడు : నవంబర్ 22
ఎవరు : మను భాకర్
ఎక్కడ : పుతియాన్, చైనా