సీఎస్‌ఐఆర్ టెక్నాలజీ అవార్డు-2020 విజేత?

కరోనా చికిత్సకు వాడుతున్న ఫావిపిరవిర్ మందును చౌకగా తయారు చేసేందుకు అవసరమైన పద్ధతులను అభివృద్ధి చేసినందుకుగాను ఈ అవార్డు వరించింది. ఆరోగ్య రంగంలో చేసిన పరిశోధనలకు డాక్టర్ శ్రీవారి చంద్రశేఖర్ నేతృత్వంలోని ఐఐసీటీకి 2020 సంవత్సరానికి ఈ అవార్డును అందజేస్తున్నట్లు సీఎస్‌ఐఆర్ సెప్టెంబర్ 26న ఒక ప్రకటనలో తెలిపింది. సీఎస్‌ఐఆర్ 79వ వ్యవస్థాపక దినోత్సవం సందర్భంగా కేంద్ర శాస్త్ర, సాంకేతిక పరిజ్ఞానాల శాఖ మంత్రి హర్షవర్ధన్ ఢిల్లీలో ఈ అవార్డులను ప్రకటించారు.

చంద్రశేఖర్‌కు గ్రాంట్...
ఐఐసీటీ డెరైక్టర్ శ్రీవారి చంద్రశేఖర్ తొలి సీఎస్‌ఐఆర్-ఆవ్రా చైర్ ప్రొఫెసర్ గ్రాంట్‌కు ఎంపికయ్యారు. ఏటా రూ.10 లక్షల చొప్పున మూడేళ్లపాటు మొత్తం రూ.30 లక్షల నగదు ఈ గ్రాంట్‌లో భాగంగా లభిస్తుంది.

క్విక్ రివ్యూ :
ఏమిటి : సీఎస్‌ఐఆర్ టెక్నాలజీ అవార్డు-2020 విజేత
ఎప్పుడు : సెప్టెంబర్ 26
ఎవరు : ఇండియన్ ఇన్‌స్టిట్యూట్ ఆఫ్ కెమికల్ టెక్నాలజీ (ఐఐసీటీ)
ఎక్కడ : న్యూఢిల్లీ
ఎందుకు : కరోనా చికిత్సకు వాడుతున్న ఫావిపిరవిర్ మందును చౌకగా తయారు చేసేందుకు అవసరమైన పద్ధతులను అభివృద్ధి చేసినందుకుగాను