రైతులు, ప్రభుత్వం మధ్య జరిగిన చర్చల్లో పురోగతి

రైతుల ప్రధానమైన 4 డిమాండ్లలో.. రెండు డిమాండ్ల అమలుకు ప్రభుత్వం అంగీకరించింది. ఢిల్లీలోని విజ్ఞాన్ భవన్‌లో జరిగిన ఈ చర్చల్లో కేంద్ర మంత్రులు నరేంద్ర సింగ్ తోమర్, పియూష్ గోయల్, సోం ప్రకాశ్... సంయుక్త కిసాన్ మోర్చా ప్రతినిధులైన 40 రైతు సంఘాల నేతలు పాల్గొన్నారు. ఇరు వర్గాల మధ్య ఇవి ఆరో విడత చర్చలు. తదుపరి 2021, జనవరి 4న జరగనున్నాయి.

చదవండి: వివాదస్పద వ్యవసాయ చట్టాలు-వివరాలు

రైతుల డిమాండ్లు - ప్రభుత్వ స్పందన
అంగీకారం కుదిరిన అంశాలు
1) కొత్త విద్యుత్ చట్టం: రాష్ట్రాలు రైతులకు ఇస్తున్న విద్యుత్ సబ్సిడీ కొనసాగాలన్న రైతుల డిమాండ్‌కు అంగీకారం. సంబంధిత విద్యుత్ సవరణ బిల్లుపై వెనక్కు.
2) వాయు కాలుష్యం: దీనికి సంబంధించిన ఆర్డినెన్స్ లో పంట వ్యర్థాలను దహనం చేస్తే రైతులకు జరిమానా విధించే ప్రతిపాదన తొలగింపునకు ప్రభుత్వం అంగీకారం.

అంగీకారం కుదరని అంశాలు
1) నూతన వ్యవసాయ చట్టాల రద్దు: కుదరని ఏకాభిప్రాయం. చట్టాల రద్దుకు ప్రభుత్వం ససేమిరా. రైతుల అభ్యంతరాలపై కమిటీ ఏర్పాటుకు ప్రభుత్వ ప్రతిపాదన. తోసిపుచ్చిన రైతు నేతలు. జనవరి 4న మళ్లీ చర్చ.