ప్రపంచ నైపుణ్య పోటీల్లో భారత్‌కు స్వర్ణం

Sakshi Education

రష్యాలోని కజన్‌లో ఆగస్టు 22 నుంచి 27 వరకు నిర్వహించిన 45వ ప్రపంచ నైపుణ్య పోటీల్లో భారత్‌కు నాలుగు పతకాలు లభించాయి.

ఇందులో ఒక స్వర్ణం, ఒక రజతం, రెండు కాంస్య పతకాలున్నాయి. ఈ పోటీల్లో జల సాంకేతికత విభాగంలో ఎస్.అశ్వత్థ నారాయణ స్వర్ణం సాధించాడు. వెబ్ సాంకేతికత విభాగంలో ప్రణవ్ నూతలపాటి రజతం గెలుచుకున్నాడు. అలాగే ఆభరణాల విభాగంలో సంజయ్ ప్రామాణిక్, గ్రాఫిక్ డిజైనింగ్‌లో శ్వేత రతనపుర కాంస్యాలు నెగ్గారు.

ప్రపంచవ్యాప్తంగా 63 దేశాలు ఈ నైపుణ్య పోటీల్లో పాల్గొన్నాయి. భారత్ తరఫున 48 మంది పాల్గొన్నారు. ఈ పోటీల్లో 16 స్వర్ణాలతో పతకాల పట్టికలో చైనా అగ్రస్థానంలో నిలిచింది. ఆతిథ్య రష్యా 14 బంగారు పతకాలను దక్కించుకుంది. పోటీల ముగింపు వేడుకకు రష్యా అధ్యక్షుడు వ్లాదిమిర్ పుతిన్ హాజరయ్యారు. 2007 నుంచి భారత్ ప్రపంచ నైపుణ్య పోటీల్లో పాల్గొంటోంది.

క్విక్ రివ్యూ :
ఏమిటి : ప్రపంచ నైపుణ్య పోటీల్లో భారత్‌కు స్వర్ణం
ఎప్పుడు : ఆగస్టు 27
ఎవరు : ఎస్.అశ్వత్థ నారాయణ
ఎక్కడ : కజన్, రష్యా

Published date : 29 Aug 2019 05:50PM