ప్రముఖ నటుడు, దర్శక–నిర్మాత కన్నుమూత

1923లో హైదరాబాద్‌లో జన్మించిన చంద్రశేఖర్‌ నటనపై ఉన్న మక్కువతో 1950లో జూనియర్‌ ఆర్టిస్ట్‌గా మారారు. ఆ తర్వాత ‘సురంగ్‌’ అనే హిందీ చిత్రం ద్వారా కథానాయకుడిగా పరిచయమయ్యారు. దాదాపు 250కి పైగా చిత్రాల్లో విభిన్న పాత్రలు పోషించి, ప్రేక్షకుల్ని అలరించారు. 1964లో ‘ఛ ఛ ఛ’ అనే చిత్రాన్ని స్వీయ దర్శకత్వంలో నిర్మించారు. వెస్ట్రన్‌ డ్యాన్స్‌ నేపథ్యంలో రూపొందిన తొలి భారతీయ చిత్రం ఇదే. రామానంద్‌ సాగర్‌ దర్శకత్వంలో రూపొందిన ‘రామాయణ్‌’ సీరియల్‌లో సుమంతుడి పాత్ర చేసిన చంద్రశేఖర్‌... విశేష ప్రేక్షకాదరణ పొందారు.

క్విక్‌ రివ్యూ :
ఏమిటి : ప్రముఖ నటుడు, దర్శక–నిర్మాత కన్నుమూత
ఎప్పుడు : జూన్‌ 16
ఎవరు : చంద్రశేఖర్‌(98)
ఎక్కడ : ముంబై, మహారాష్ట్ర
ఎందుకు : వయో సంబంధిత సమస్యల కారణంగా...