New Covid Variant: దక్షిణాఫ్రికాలో బయటపడిన కరోనా కొత్త వేరియంట్‌ పేరు?

దక్షిణాఫ్రికాకు చెందిన కేఆర్‌ఐఎస్‌పీ సంస్థతో కలిసి జరిపిన పరిశోధనలో కరోనా కొత్త వేరియంట్‌ ‘‘సీ.1.2’’ బయటపడిందని వెల్లడించారు. మేలోనే ఈ వేరియంట్‌ను గుర్తించామని, ఆగస్టు నాటికి చైనా, కాంగో, మారిషస్, ఇంగ్లండ్, న్యూజిలాండ్, పోర్చుగల్, స్విట్జర్లాండ్‌లో దీని జాడలు కనిపించాయని హెచ్చరించారు. ఈ వైరస్‌ కరోనా టీకాలు కల్పించే రక్షణను దాటుకొని సోకుతుందని పేర్కొన్నారు. ప్రపంచవ్యాప్తంగా గుర్తించిన ఇతర వేరియంట్లతో పోలిస్తే ఈ వేరియంట్‌లో అధిక ఉత్పరివర్తనాలు(మ్యుటేషన్లు) ఉన్నాయని వెల్లడించారు. కొత్తగా కనుగొన్న వేరియంట్‌లో మ్యుటేషన్‌ రేటు సంవత్సరానికి 41.8 శాతమని, ఇతర వేరియంట్ల మ్యుటేషన్‌రేటు కన్నా ఇది దాదాపు రెట్టింపని పేర్కొన్నారు.

క్విక్‌ రివ్యూ :
ఏమిటి : కరోనా కొత్త వేరియంట్‌ ‘‘సీ.1.2’’ బయటపడిందని వెల్లడి
ఎప్పుడు : ఆగస్టు 30
ఎవరు : నేషనల్‌ ఇనిస్టిట్యూట్‌ ఫర్‌ కమ్యూనికబుల్‌ డిసీజెస్‌(ఎన్‌ఐసీడీ–దక్షిణాఫ్రికా) సైంటిస్టులు
ఎక్కడ : దక్షిణాఫ్రికా