మొబైల్ ఫోన్లపై జీఎస్టీ 18 శాతానికి పెంపు

కేంద్ర ఆర్థిక మంత్రి నిర్మలా సీతారామన్ నేతృత్వంలో న్యూఢిల్లీలో మార్చి 14న జరిగిన 39వ జీఎస్టీ కౌన్సిల్ సమావేశం ఈ మేరకు అంగీకరించింది. వినియోగదారుల సమస్యలను అధిగమించేలా జీఎస్టీ నెట్‌వర్క్ డిజైన్ మెరుగుపరిచే బాధ్యతను ఇన్ఫోసిస్‌కు అప్పగించాలని నిర్ణయించింది.
 
 కౌన్సిల్ సమావేశం-ముఖ్యాంశాలు 

మొబైల్ ఫోన్లు, కొన్ని కీలక విడిభాగాలపై 12 శాతంగా ఉన్న జీఎస్టీని 18 శాతానికి పెంచింది. ఇది 2020, ఏప్రిల్ 1నుంచి అమలవనుంది.

విమానాల మెయింటెనెన్‌‌స అండ్ రిపైర్, ఓవర్‌హౌల్(ఎంఆర్‌వో)సేవలపై జీఎస్టీ రేటును 18 శాతం నుంచి 5 శాతానికి తగ్గించింది.

2018-19 సంవత్సరంలో రూ.5 కోట్ల లోపు టర్నోవర్ ఉన్న సూక్ష్మ, చిన్న, మధ్యశ్రేణి వ్యాపార సంస్థలకు జీఎస్‌టీఆర్-9సీ దాఖలు చేయనవసరం లేకుండా మినహాయింపునిచ్చింది.

జీఎస్టీ కింద రిజిస్టరయిన ప్రతి వ్యక్తి తన వ్యాపారానికి అనుగుణంగా సరఫరాదారుల ప్రాథమిక సమాచారం తెలుసునేందుకు వీలుగా త్వరలో ‘నో యువర్ సప్లయర్’ పేరుతో కొత్త సౌకర్యం.

జీఎస్టీ నెట్‌వర్క్ కొత్త వ్యవస్థ 2021 జనవరి నుంచి అమల్లోకి వస్తుంది.

 క్విక్ రివ్యూ   :
 ఏమిటి : మొబైల్ ఫోన్లపై జీఎస్టీ 18 శాతానికి పెంపు
 ఎప్పుడు  : మార్చి 14
 ఎవరు  : 39వ జీఎస్టీ కౌన్సిల్ సమావేశం