జస్టిస్ ర్యాంకింగ్స్‌లో మహారాష్ట్రకు అగ్రస్థానం

తెలంగాణకు 11, ఆంధ్రప్రదేశ్ 13వ ర్యాంకులు దక్కగా... ఉత్తర్‌ప్రదేశ్, బిహార్ రాష్ట్రాలు అట్టడుగున నిలిచాయి. పౌరులకు న్యాయ సేవలు అందుతున్న తీరుకు అద్దం పట్టే ఈ నివేదికను సుప్రీంకోర్టు మాజీ న్యాయమూర్తి జస్టిస్ మదన్ బి.లోకూర్ నవంబర్ 7న ఆవిష్కరించారు.

నాలుగు కేటగిరీలుగా..
పోలీస్, ప్రిజన్స్, జ్యుడీషియరీ, లీగల్ ఎయిడ్ అనే నాలుగు కేటగిరీలకు వచ్చిన స్కోర్ల ఆధారంగా ఈ ర్యాంకు కేటాయించారు. బడ్జెట్, భిన్నత్వం, మానవ వనరులు, మౌలిక వసతులు, పని భారం తదితర అంశాల్లో మెరుగైన పనితీరుకు స్కోరు అందించారు. నాలుగు కేటగిరీల్లో వచ్చిన స్కోరు ఆధారంగా ర్యాంకు కేటాయించారు. ఇందుకోసం 2015-16, 2016-17, 2017-18, 2018-19 సంవత్సరాలకు సంబంధించిన డేటాను ఉపయోగించారు.

క్విక్ రివ్యూ :
ఏమిటి : ‘ఇండియా జస్టిస్’ ర్యాంకింగ్స్‌లో అగ్రస్థానం
ఎప్పుడు : నవంబర్ 7
ఎవరు : మహారాష్ట్ర
ఎక్కడ : దేశంలో

మాదిరి ప్రశ్నలు
1. టాటా ట్రస్ట్ రూపొందించిన ‘ఇండియా జస్టిస్’ ర్యాంకింగ్స్‌లో 18 పెద్ద రాష్ట్రాల కేటగిరీలో ఏ రాష్ట్రం అగ్రస్థానంలో నిలిచింది?
1. ఆంధ్రప్రదేశ్
2. మహారాష్ట్ర
3. మధ్యప్రదేశ్
4. ఉత్తరప్రదేశ్
సమాధానం : 2

2. టాటా ట్రస్ట్ రూపొందించిన ‘ఇండియా జస్టిస్’ ర్యాంకింగ్స్‌లో 18 పెద్ద రాష్ట్రాల కేటగిరీలో ఆంధ్రప్రదేశ్ ఎన్నో ర్యాంకును దక్కించుకుంది.
1. 13
2. 12
3. 15
4. 18
సమాధానం : 1