VAHA Jobs: వీఏహెచ్ఏ పోస్టుల భర్తీకి ప్రకటన విడుదల..!
సాక్షి ఎడ్యుకేషన్: విలేజ్ అనిమల్ హస్బెండరీ అసిస్టెంట్స్ (వీఏహెచ్ఏ) పోస్టుల భర్తీ ప్రక్రియలో భాగంగా ఉమ్మడి జిల్లా పరిధిలో 403 పోస్టులు ఖాళీ ఉన్నట్లు పశుసంవర్ధక శాఖ అధికారులు ప్రకటించారు. ఈ మేరకు శనివారం ఒక ప్రకటన విడుదల చేశారు. వీఏహెచ్ఏ పరీక్షల తరువాత రెండు విడతలుగా 442 మంది అభ్యర్థుల సర్టిఫికెట్ల వెరిఫికేషన్ పూర్తి చేశారు.
Academic Officer: విద్యార్థుల మార్కులను పరిశీలించిన మానిటరింగ్ అధికారి..
ఆ తరువాత ఇప్పటికే పనిచేస్తున్న వీఏహెచ్ఏల బదిలీలో 171 మందికి ఉత్తర్వులు ఇచ్చారు. వచ్చేవారం కొత్త పోస్టుల భర్తీ కోసం జిల్లా వ్యాప్తంగా 403 పోస్టులు ఖాళీలు ఉన్నట్లు ప్రకటించారు. అందులో అత్యధికంగా ఉరవకొండ డివిజన్లో 139 పోస్టులు, అనంతపురం డివిజన్లో 120, పెనుకొండ డివిజన్లో 59, ధర్మవరం డివిజన్లో 57, హిందూపురం డివిజన్లో 28 పోస్టులు ఖాళీ ఉన్నట్లు తెలిపారు.