Sakshi Education

నిజామాబాద్‌ యువకుడి పోలీస్‌ ప్రయాణం యువతకు ఆదర్శం

nizamabad youth police akhil journey inspiration

కుటుంబ నేపథ్యం:
నిజామాబాద్‌ నగరానికి చెందిన కే. అఖిల్‌. తల్లి జ్యోతి పోలీస్‌ శాఖలో సూపరింటెండెంట్‌గా పనిచేశారు. 2019లో ఆమె మృతి చెందారు. తండ్రి రమేశ్‌ ప్రస్తుతం నిజామాబాద్‌లో ఏఎస్సైగా విధులు నిర్వహిస్తున్నారు. తమ్ముడు ఐటీ రంగంలో ఉద్యోగి.

విద్యాభ్యాసం:
ఇంటర్ వరకు నిజామాబాద్‌లోనే చదివాడు. అనంతరం హైదరాబాద్‌లో బీటెక్ పూర్తి చేశాడు.

లక్ష్య సాధన:
సాఫ్ట్‌వేర్ రంగంలో కొంతకాలం పని చేసిన అఖిల్‌కు ఆ ఉద్యోగం పూర్తి సంతృప్తినివ్వలేదు. పోలీస్ శాఖలో సేవ చేయాలన్న అమ్మ కోరిక, నాన్న ప్రోత్సాహం కలగలిపి ఎస్సై ఉద్యోగం కోసం ప్రిపరేషన్ మొదలుపెట్టాడు. మొదటి ప్రయత్నంలో ఫలితం రాకపోయినా నెగ్గుబాటు చెందలేదు. ప్రణాళికాబద్ధంగా చదువుతూ రెండో ప్రయత్నంలో ఎస్సైగా ఎంపికయ్యాడు.

చదవండి: Gaddam Ramya Success Story: అమ్మానాన్నల కష్టమే మార్గదర్శకమైంది: గడ్డం రమ్య విజయ కథ!

సమాజంలో మార్పు కోసం ఆశయం:
సమాజంలో శాంతియుత వాతావరణం నెలకొనాలని కోరుకుంటున్న అఖిల్, ప్రజల్లో నమ్మకం పెంచేలా పోలీసు సేవలు అందించేందుకు కృషి చేయాలని చెబుతున్నాడు.

నిరుద్యోగులకు సందేశం:
"లక్ష్యాన్ని నిర్దేశించుకుని ప్రణాళికతో సాధన చేస్తే తప్పకుండా విజయం వస్తుంది," అని యువతకు సందేశం ఇస్తున్నాడు ఎస్సై అఖిల్‌.