Sakshi Education
అమరావతి: వీఐటీ-ఏపీ విశ్వవిద్యాలయంలో నూతనంగా అకడమిక్ స్టాఫ్ కాలేజీ (ఏఎస్‌సీ)ని వీఐటీ-ఏపీ ఫౌండర్, చాన్సలర్ డాక్టర్ జి.విశ్వనాథన్ చేతుల మీదుగా శుక్రవారం వర్చువల్ విధానంలో ప్రారంభించారు.
ఈ సందర్భంగా డాక్టర్ జి.విశ్వనాథన్ మాట్లాడుతూ.. వర్సిటీ అకడమిక్ స్టాఫ్ కాలేజీ అధ్యాపకులు విద్యా బోధనలో నాణ్యతను పెంపొందించుకోవటానికి, నిర్దిష్ట సబ్జెక్టులపై అవగాహన, విషయ నైపుణ్యం మెరుగుపరుచుకోవటానికి ఎంతగానో సహకారం అందిస్తుందని తెలిపారు. వర్సిటీ వైస్ ప్రెసిడెంట్ జీవీ సెల్వం మాట్లాడుతూ.. అధ్యాపకులు, సిబ్బందికి వారి వృత్తిలో ఉన్నత శిఖరాలు అధిరోహించేందుకు ఎఫ్‌డీపీ/ఎండీపీ మరియు నైపుణ్యాల అభివృద్ధి కార్యక్రమాల ద్వారా అకడమిక్ స్టాఫ్ కాలేజీ నిరంతర విద్యను అందిస్తుందని అన్నారు.
Published date : 21 Nov 2020 04:46PM
