రేపే ఏపీసెట్- 2020 పరీక్ష

దీనికి సంబంధించి ఏపీసెట్ మెంబర్ సెక్రటరీ ఆచార్య కె.శ్రీనివాసరావు ఒక ప్రకటనలో వెల్లడించిన వివరాలు ఇలా ఉన్నాయి. ఏపీసెట్‌కు 35,862 మంది దరఖాస్తు చేశారు. రాష్ట్ర వ్యాప్తంగా విశాఖపట్నం, రాజమండ్రి, గుంటూరు, నెల్లూరు, అనంతపురం, తిరుపతి, కడప, కర్నూలు నగరాల్లో 76 పరీక్ష కేంద్రాలు ఏర్పాటు చేశారు. 30 సబ్జెక్టులలో పరీక్ష జరుగుతుంది. నిమిషం ఆలస్యమైనా పరీక్షకు అనుమతించరు. వెబ్‌సైట్ నుంచి హాల్‌టికెట్లు డౌన్‌లోడ్ చేసుకుని పరీక్షకు నేరుగా హాజరు కావచ్చు. ఆదివారం ఉదయం 9.30 నుంచి 12.30 వరకు జరిగే ఈ పరీక్షకు గంట ముందుగా కేంద్రాలలోకి అనుమతిస్తారు. పూర్తి సమాచారం ఏపీసెట్ వెబ్‌సైట్ www.apret.net.in  నుంచి పొందవచ్చు.