Sakshi Education
సాక్షి, అమరావతి: అటవీ శాఖలో ఫారెస్ట్ బీట్ అధికారి, అసిస్టెంటు ఫారెస్ట్ బీట్ అధికారుల పోస్టులకు సంబంధించి మెయిన్స్ పరీక్షలో క్వాలిఫై అయిన ఎస్టీ అభ్యర్థులు తమ స్థానిక జిల్లా, ఏజెన్సీ ప్రాంతంకు ఆప్షన్లు నమోదు చేయాలని ఆంధ్రప్రదేశ్ పబ్లిక్ సర్వీస్ కమిషన్ ఫిబ్రవరి 18 (మంగళవారం)న ఒక ప్రకటనలో పేర్కొంది.
ఈనెల 18వ నుంచి 25వ తేదీ వరకు ఆప్షన్ల నమోదుకు అవకాశం కల్పించినట్టు తెలిపింది. ఈ పోస్టులకు హాజరైన వారిలో దాదాపు 2 వేల మంది వరకు ఆప్షన్లు నమోదు చేయలేదు. ఇప్పటికే ఒకసారి ఆప్షన్ల నమోదుకు అవకాశం కల్పించగా 300 మంది మాత్రమే ఆప్షన్లు ఇచ్చారు. మిగిలిన వారి కోసం ఈ గడువును మరో వారంపాటు పొడిగిస్తున్నట్లు ఏపీపీఎస్సీ కార్యదర్శి పీఎస్సార్ ఆంజనేయులు పేర్కొన్నారు.
Published date : 19 Feb 2020 02:54PM
