ప్రభుత్వ ఉపాధ్యాయుల హేతుబద్ధీకరణ మార్గదర్శకాలు విడుదల: ఇక‌ విద్యార్థుల లెక్కను బట్టే టీచర్లు, హెచ్‌ఎంలు..

•  ఆరు నుంచి 8వ తరగతి వరకూ వంద మంది విద్యార్థుల వరకూ గణితం, సైన్స్‌కు కలిపి ఒకరు, సోషల్‌ సైన్స్‌కు ఒకరు, లాంగ్వేజెస్‌కు ఒక్కొక్కరు చొప్పున మొత్తం నలుగురు ఉపాధ్యాయులుంటారు. సీనియర్‌ ఉపాధ్యాయుడు హెడ్‌మాస్టర్‌గా వ్యవహరిస్తారు.
•  101–140 మంది విద్యార్థులుంటే ఇంగ్లిష్‌ టీచర్‌తోపాటు మొత్తం ఐదుగురు, 141–175 మంది ఉంటే సైన్స్‌, గణితానికి ఇద్దరు చొప్పున ఆరుగురు, 176–210 మంది విద్యార్థులకు సైన్స్‌, గణితం ముగ్గురుతోపాటు మొత్తం ఏడుగురు, 211–245 వరకూ 8 మంది, 246–280 వరకూ 9, 281–315 వరకూ 10, 316–350 మంది విద్యార్థులకు 11, ఆపైన 385 మంది వరకూ 12 మంది టీచర్లు ఉంటారు.

•  220 మంది విద్యార్థుల వరకూ ఒక హెచ్‌ఎంతోపాటు 9 మంది ఉపాధ్యాయులంటారు. 400 మంది విద్యార్థుల సంఖ్య దాటితే క్రాఫ్ట్‌ లేదా డ్రాయింగ్‌ లేదా సంగీతం టీచర్‌ను కేటాయించాలి. గణితం, ఫిజికల్‌ సైన్స్‌, బయోకెమిస్ట్రీ, ఇంగ్లి‹Ù, సోషల్‌ సైన్స్‌, ప్రథమ, ద్వితీయ భాషా పండితులు ప్రతి స్కూల్‌లోనూ ఉంటారు. విద్యార్థుల సంఖ్య పెరిగేకొద్దీ సబ్జెక్ట్‌ టీచర్లు పెరుగుతారు. 1,210 మంది విద్యార్థులుండే స్కూళ్లకు 45 మంది వరకూ ఉంటారు.
•  ఆంగ్ల మాధ్యమం కోసం ఏర్పాటు చేసే అదనపు సెక్షన్లకు 50 మంది విద్యార్థుల వరకూ నలుగురు టీచర్లు ఉంటారు. ఆ తర్వాత విద్యార్థుల సంఖ్య 420 వరకు ఉంటే 8 మంది దాకా టీచర్లు ఉంటారు. సెకండరీ గ్రేడ్‌ టీచర్‌ పోస్టులు అవసరాన్నిబట్టి బదలాయిస్తారు. ఇంగ్లిష్‌ మీడియం విద్యార్థులు 50కి తక్కువగా ఉంటే దగ్గర్లోని స్కూళ్లలో వారిని చేరుస్తారు.

మార్గదర్శకాలు సవరించాలి : టీఎస్‌టీయూ
పాఠశాల ఉపాధ్యాయుల హేతుబద్ధీకరణ మార్గదర్శకాలను సవరించాలి. ప్రాథమిక పాఠశాలల్లో 20 మంది విద్యార్థులుంటే కనీసం ఇద్దరు టీచర్లు, ఆ పైన సంఖ్య ఉంటే, తరగతికి ఒక ఉపాధ్యాయుడు ఉండాలి. 50 మందికన్నా ఎక్కువ ఉంటే హెచ్‌ఎం పోస్టు కేటాయించాలి.
– తెలంగాణ టీచర్స్‌ యూనియన్‌ అధ్యక్షుడు మహ్మద్‌ అబ్దుల్లా, ప్రధాన కార్యదర్శి చందూరి రాజిరెడ్డి