ఏయే దేశాల్లో జనం ఏ పనికి ఎంత టైం కేటాయిస్తున్నారో తెలుసా?

దానికితోడు నిద్రపోయే టైం అదనం. మరి ప్రపంచవ్యాప్తంగా ఏయే దేశాల్లో జనం ఏ పనికి ఎంత టైం కేటాయిస్తున్నారో తెలుసా? దీనిపై జరిగిన పలు సర్వేలను క్రోడీకరించి.. అవర్‌ వరల్డ్‌ ఇన్‌ డేటా సంస్థ ఓ నివేదికను రూపొందించింది.15 ఏళ్ల నుంచి 64 ఏళ్ల మధ్య వయసువారిని పరిగణనలోకి తీసుకుంది.

90 శాతం ఈ పనులకే..
రోజులో ఉండేది మొత్తంగా 1,440 నిమిషాలు. ఇందులో 80 నుంచి 90 శాతం వరకు మనం రెగ్యులర్‌గా ఒకేలా చేసే పనులకే సరిపోతోంది. ఎవరైనా ఓ వ్యక్తి సంపాదన కోసం చేసే వ్యాపారం, ఉద్యోగానికి కేటాయించే టైం, ఇంటికి సంబంధించిన పనులు, తిండి, నిద్ర, టీవీ, ఇంటర్నెట్‌లో గడపడం వంటివి దాదాపుగా రోజూ ఒకేలా (సేమ్‌ ప్యాటర్న్‌లో) ఉంటున్నాయని నివే దిక పేర్కొంది. అయితే సగటున పరిశీలిస్తే ఒక్కో దేశంలో ఒక్కోలా ఉంటోందని వెల్లడించింది.

ఆహారంపై సంస్కృతి ఎఫెక్ట్‌
ప్రపంచవ్యాప్తంగా జనం వివిధ పనులకు టైం కేటాయించడంలో ఆయా ప్రాంతాల సంస్కృతి ప్రభావం ఉంటుందని అవర్‌ వరల్డ్‌ ఇన్‌ డేటా నివేదిక స్పష్టం చేసింది. భిన్నమైన ఆహారాన్ని ఇష్టపడే ఇటలీ, గ్రీస్, ఫ్రాన్స్‌, స్పెయిన్‌ దేశాల వారు మిగతా దేశాలకన్నా ఎక్కువ సమయాన్ని తినడానికి, తాగడానికి కేటాయిస్తున్నారు. అదే అమెరికాలో ఇందుకోసం ప్రపంచంలోనే అతితక్కువ టైం తీసుకుంటున్నారు.

ఎంజాయ్‌మెంట్‌ కూడా..
సంపాదనకు తక్కువ టైం కేటాయిస్తున్న వారిలో ఇటలీ, ఫ్రాన్స్‌, స్పెయిన్‌, బెల్జియం, డెన్మార్క్, నార్వే తదిరత యూరోపియన్‌ దేశాల వారే ఎక్కువగా ఉన్నారు. అదే సమయంలో నిద్రకు, ఎంజాయ్‌మెంట్‌కు ఎక్కువ టైం కేటాయిస్తున్నారు. టీవీ, ఫోన్‌, స్పోర్ట్స్, ఫ్రెండ్స్‌ను కలవడం, పారీ్టలకు వెళ్లడం వంటి పనులతో ఎంటర్‌టైన్‌ అవుతున్నారు. ఈ దేశాల్లో రోజువారీ పని సమయం, పని దినాల సంఖ్య తక్కువగా ఉండటం కూడా వారు సంపాదనకు తక్కువ టైం ఇవ్వడానికి కారణమని నివేదిక వెల్లడించింది.

ఇంటిపని, షాపింగ్‌లో మెక్సికో, ఇండియా..
ఇంట్లో ఎప్పుడూ ఏదో ఓ పని ఉంటూనే ఉంటుంది. దానికితోడు ఇంటి అవసరాలకు షాపింగ్‌ కూడా అవసరమే. ఇలా ఇంటికోసం సమయం కేటాయించడంలో మెక్సికో, ఇండియా టాప్‌ లో నిలిచాయి. సాధారణంగానే ఈ రెండు దేశాల్లో సంస్కృతి ఇంటిపనికి కాస్త ప్రాధాన్యత ఇస్తుందని నివేదిక పేర్కొంది. దాదాపు అన్ని దేశాల్లోనూ ఇంటి పనికి యావరేజ్‌గా టైమిస్తే.. దక్షిణ కొరియా, నార్వేల్లో మాత్రం తక్కువగా కేటాయిస్తున్నారు.

పని, నిద్ర.. చైనా, ఇండియాల్లోనే ఎక్కువ
ప్రపంచవ్యాప్తంగా సంపాదన కోసం ఎక్కువ సేపు పనిచేయడంలో, బాగా నిద్రపోవడంలో చైనా వాళ్లు టాప్‌లో ఉన్నారు. సంపాదన కోసం పనిచేసే సమయంలో ఇండియా నాలుగో ప్లేస్‌లో ఉండగా.. నిద్రకు సంబంధించి అమెరికాతో కలిసి రెండో స్థానంలో ఉంది. మెక్సికో, దక్షిణ కొరియా, కెనడా, అమెరికా వంటి దేశాల్లోనూ పనికి కాస్త ఎక్కువ సమయం కేటాయిస్తున్నారు. అయితే కొన్ని దేశాల్లో సంపాదన బాగానే ఉన్నా.. ఇంకా ఎక్కువ డబ్బుల కోసం ఎక్కువ సేపు పనిచేస్తున్నారని, మరికొన్ని దేశాల్లో జీతాలు/ఆదాయం తక్కువగా ఉండటంతో ఎక్కువసేపు పనిచేయాల్సి వస్తోందని నివేదిక పేర్కొంది.

సేవలో ముందున్న ఐర్లాండ్‌
రోజుకు 24 గంటలు.. 1,440 నిమిషాలు.. చిన్నాపెద్ద, పేద, ధనిక తేడా లేకుండా అందరికీ ఉండే టైం ఇంతే. కానీ కొందరు తమకున్న సమయంలోనే కొంత ఇతరులకు సేవ చేయడానికి కేటాయిస్తుంటారు. ఈ విషయంలో ఐర్లాండ్‌ వాసులు అందరికన్నా ముందున్నారు. ఫిన్లాండ్, నార్వే, అమెరికా తదితర దేశాల వారూ కాసేపు వాలంటరీ వర్క్‌ చేస్తున్నారు. ఈ విషయంలో ఫ్రెంచ్‌ వాళ్లు అందరికన్నా వెనుక ఉండగా, ఆ తర్వాత ఇండియన్లే ఉన్నారు.

ఏ దేశంలో ఏ పనికి ఎంత టైం కేటాయిస్తున్నారు?

దేశం	సంపాదనకు	సేవకు	నిద్ర	ఇంటిపని/ షాపింగ్‌	పర్సనల్‌ కేర్‌	తిండి నీళ్లు	లీజర్‌ (టీవీ/ఫోన్‌/ స్పోర్ట్స్‌..)
చైనా	315	56	542	123	52	100	228
మెక్సికో	302	84	499	202	58	77	172
దక్షిణకొరియా	288	70	471	89	90	117	258
ఇండియా	272	44	528	160	75	84	253
కెనడా	269	81	520	139	52	65	278
అమెరికా	251	96	528	122	57	63	292
న్యూజిలాండ్‌	241	89	526	134	42	80	301
బ్రిటన్‌	235	95	508	133	58	79	305
ఐర్లాండ్‌	231	132	491	118	42	75	312
జర్మనీ	224	71	498	141	55	94	331
నెదర్లాండ్స్‌	218	68	503	133	65	114	316
నార్వే	201	100	492	103	56	79	369
డెన్మార్క్‌	200	73	489	154	52	119	328
ఫిన్లాండ్‌	200	104	508	136	52	81	331
బెల్జియం	194	52	513	149	53	99	339
స్పెయిన్‌	176	89	516	141	51	126	316
ఫ్రాన్స్‌	170	39	513	151	107	133	293
ఇటలీ	149	70	513	162	68	127	323