Sakshi Education
సాక్షి, హైదరాబాద్‌: తెలంగాణ రాష్ట్రంలో కరోనా ఉధృతి నేపథ్యంలో ఈ నెల 23నే పాఠశాలలకు చివరి పనిదినంగా అమలు చేసేందుకు విద్యాశాశ కసరత్తు చేస్తున్నట్లు తెలిసింది.
ప్రస్తుతం విద్యార్ధులకు ప్రత్యక్ష బోధన లేకున్నా ప్రభుత్వ పాఠశాలలకు వెళ్తున్న టీచర్లకు ఈ నెల 24 నుంచి సెలవులు ఇచ్చే అవకాశం ఉంది. దీనిపై ఉన్నతాధికారులు చర్చించినా తుది నిర్ణయం తీసుకోలేదు. ప్రభుత్వంతో చర్చించి నేడోరేపో స్కూళ్లకు వేసవి సెలవులను ప్రకటించే అవకాశం ఉంది. పదో తరగతి విద్యార్ధుల ఫార్మెటివ్‌ అసెస్‌మెంట్‌– 1 (ఎఫ్‌ఏ) మార్కులను ఆప్‌లోడ్‌ చేసేందుకు ఈ నెల 26 వరకు గడువు ఇచ్చింది. అయితే ఇప్పటికే దాదాపు 5 లక్షల మంది విద్యార్ధుల మార్కులను ప్రభుత్వ పరీక్షల విభాగానికి పాఠశాలలు అందజేశాయి. మరో 25 వేల మంది వరకు విద్యార్ధుల మార్కులు రావాల్సి ఉందని, అవి ఒకట్రెండు రోజుల్లో వస్తాయని అధికారులు భావిస్తున్నారు. దాంతో ఈ నెల 23నే చివరి పనిదినంగా ప్రకటించి 24 నుంచి సెలవులు ఇచ్చే అవకాశం ఉంది. లేదంటే 26 తరువాల నుంచి సెలవులు ఇస్తారన్న మరో వాదనా ఉంది. ఏదేమైనా నేడోరేపో తుది నిర్ణయం వెలువడనుంది. మరోవైపు ఒకటో తరగతి నుంచి 9వ తరగతి వరకు చదువుతున్న విద్యార్ధును పై తరగతులకు ప్రమోట్‌ చేస్తూ త్వరలోనే ఉత్తర్వులు జారీ చేసేందుకు విద్యాశాఖ కసరత్తు చేస్తోంది.
Published date : 21 Apr 2021 07:39PM
