డిగ్రీ దరఖాస్తుల గడువు మరో రోజు పొడిగింపు

విద్యార్థులు బుధవారం కూడా డిగ్రీ ప్రవేశాల కోసం ఆన్‌లైన్‌లో రిజిస్ట్రేషన్ చేసుకోవచ్చని, వెబ్ ఆప్షన్లు ఇచ్చుకోవచ్చని పేర్కొన్నారు. ఇప్పటివరకు రిజస్ట్రేషన్ చేసుకుని వెబ్ ఆప్షన్లు ఇచ్చుకోని వారు కూడా వెబ్ ఆప్షన్లు ఇచ్చుకోవచ్చని సూచించారు. కాగా, ఇంటర్మీడియట్ వార్షిక పరీక్షలకు హాజరయ్యేందుకు ఫీజు చెల్లించినా వీలుకాని పరిస్థితుల్లో పరీక్షలకు హాజరు కాని వారిని పాస్ చేయాలని ప్రైవేటు కాలేజీ యాజమాన్యాల సంఘం అధ్యక్షుడు గౌరి సతీశ్ విజ్ఞప్తి చేశారు. డిగ్రీ ప్రవేశాల గడువు ముగుస్తున్నందున విద్యార్థుల భవిష్యత్తు దృష్ట్యా సీఎం కేసీఆర్ దృష్టి సారించి నిర్ణయం తీసుకోవాలని కోరారు. అడ్వాన్స్ డ్ సప్లిమెంటరీ పరీక్షలను రద్దు చేసినపుడే వారిని కూడా పాస్ చేస్తామని చెప్పారని, అయినా ఇంతవరకు నిర్ణయం వెలువడలేదని తెలిపారు. ఈ నిర్ణయంతో దాదాపు 27 వేల మంది విద్యార్థులకు ప్రయోజనం చేకూరుతుందని వెల్లడించారు.