బీఈడీ సీట్ల భర్తీకి ‘స్పాట్’ పేరుతో అడ్డదారి!

అంతిమంగా అర్హత సాధించేవారి సంఖ్య సగం కూడా దాటడం లేదు. ఫలితంగా కన్వీనర్ కోటాలో భర్తీ కావలసిన వేలాది సీట్లు మిగిలిపోతున్నాయి. ఈ ఏడాది కూడా అదే పరిస్థితి నెలకొంది.

• రాష్ట్రంలో ప్రభుత్వ పరిధిలో 11, ప్రైవేట్‌లో 455 బీఈడీ కాలేజీలుండగా వీటిల్లో కన్వీనర్ కోటాలో 32,054 సీట్లున్నాయి.
• ఎడ్‌సెట్ 2020కి 15,658 మంది దరఖాస్తు చేసుకోగా 10,363 మంది మాత్రమే పరీక్షకు హాజరయ్యారు.
• 2019 ఎడ్‌సెట్‌లో కన్వీనర్ కోటాలోని 32,054 సీట్లకు గాను 4,575 (14 శాతం) సీట్లే భర్తీ అయ్యాయి. ప్రభుత్వ కాలేజీల్లోని 1,056 సీట్లలో 734 సీట్లు భర్తీ కాగా ప్రైవేట్ కాలేజీల్లోని 30,998 సీట్లలో 3,841 మాత్రమే భర్తీ అయ్యాయి.
• ఎడ్‌సెట్ రాసిన వారి సంఖ్య మొత్తం సీట్లతో పోలిస్తే మూడో వంతు మాత్రమే ఉండగా అర్హులు మరింత తక్కువగా ఉన్నారు.
• మిగిలిన సీట్లను స్పాట్ అడ్మిషన్ల పేరిట కాలేజీలు ఇష్టానుసారంగా భర్తీ చేసుకుంటున్నట్లు విమర్శలున్నాయి. 2019లో కన్వీనర్ కోటాలో భర్తీ అయినవి 4,575 సీట్లే అయినా చివరకు వచ్చేసరికి స్పాట్ పేరిట కాలేజీలు 20 వేల వరకు సీట్లు భర్తీ చేసుకున్నాయి.
• స్పాట్ అడ్మిషన్ల పేరిట పలు కాలేజీలు ఎడ్‌సెట్‌లో క్వాలిఫై కానివారిని, అసలు పరీక్ష రాయని వారిని సైతం చేర్చుకుంటూ ఫీజు రీయింబర్స్‌మెంట్ కోసం రికార్డుల్లో చూపిస్తున్నాయి. బీఈడీతోపాటు ఇతర సెట్లలోనూ ఇదే తంతు సాగుతోంది.