ఐఎన్‌ఐ సెట్‌– 2021 వాయిదా వేయండి

జూన్‌ 16న నిర్వహించనున్న ఈ పరీక్షలు వాయిదా వేయాలని 26 మంది వైద్యుల తరఫున న్యాయవాది పల్లవి ప్రతాప్‌ సుప్రీంకోర్టులో పిటిషన్‌ దాఖలు చేశారు. కరోనా నేపథ్యంలో సీబీఎస్‌ఈ బోర్డు పరీక్షలు, ఇతరత్రా ప్రొఫెషనల్‌ పరీక్షలు రద్దు చేయడం లేదా వాయిదా వేయడం చేశారని, ఫ్రంట్‌లైన్‌ వర్కర్లుగా పనిచేస్తున్న వైద్యులకు ఈ సమయంలో పరీక్షలు ఒత్తిడి పెంచుతాయని పిటిషన్‌లో పేర్కొన్నారు. వైద్యులు కూడా పూర్తిస్థాయిలో వ్యాక్సిన్‌ వేయించుకోలేదని, ఈ పరీక్షలు వాయిదా వేయకుంటే వేలాది మంది వైద్యుల ప్రాణాలకు ముప్పు కలిగే అవకాశం ఉందని పిటిషన్‌లో పేర్కొన్నారు.