Job Notification: ఐఐటీఎంలో ప్రాజెక్ట్‌ పోస్టులు భర్తీకి ప్రకటన విడుదల

Sakshi Education

ఐఐటీఎం ఉద్యోగాల భర్తీకి ప్రకటన విడుదల చేసింది..

Contractual job offer at IITM Notification for the Recruitment of project posts in IITM Online application form for IITM recruitment

సాక్షి ఎడ్యుకేష‌న్‌:

పుణెలోని ఇండియన్‌ ఇన్‌స్టిట్యూట్‌ ఆఫ్‌ ట్రాపికల్‌ మెటిరియోలజీ(ఐఐటీఎం).. ఉద్యోగాల భర్తీకి ప్రకటన విడుదల చేసింది. ఇందులో భాగంగా ఒప్పంద ప్రాతిపదికన 65 ప్రాజెక్ట్‌ పోస్టులను భర్తీ చేయనుంది. సంబంధిత విభాగంలో డిగ్రీ, పీజీ, పీహెచ్‌డీ విద్యార్హతలు, నెట్‌/సీఎస్‌ఐఆర్‌–యూజీసీ/గేట్‌ స్కోర్‌ , ఉద్యోగానుభవం ఆధారంగా అభ్యర్థులను ఎంపిక చేస్తారు. అర్హత, ఆసక్తి గల అభ్యర్థులు ఆన్‌లైన్‌ ద్వారా దరఖాస్తు చేసుకోవాలి.

»   మొత్తం పోస్టులు: 65
»   పోస్టుల వివరాలు: ప్రాజెక్ట్‌ సైంటిస్ట్, ట్రైనింగ్‌ కో-ఆర్డినేటర్, సీనియర్‌ ప్రాజెక్ట్‌ అసోసియేట్, ప్రాజెక్ట్‌ అసోసియేట్, రీసెర్చ్‌ అసోసియేట్‌(డీప్‌ ఓషియన్‌ మిషన్‌).
» అర్హతలు: సంబంధిత విభాగంలో డిగ్రీ, పీజీ, పీహె చ్‌డీ ఉత్తీర్ణత ఉండాలి. దీంతోపాటు నెట్‌/సీఎస్‌ఐఆర్‌–యూజీసీ/గేట్‌ స్కోరుతో పాటు పని అనుభవం అవసరం.
»   ప్రాజెక్ట్‌ సైంటిస్ట్‌–3: మెటిరియాలజీ/ఓషనోగ్రఫీ/అట్మాస్ఫియరిక్‌ సైన్సెస్‌/ఎర్త్‌ సైన్సెస్‌/క్లైమేట్‌ సైన్సెస్‌/ఫిజిక్స్‌/ఎలక్ట్రానిక్స్‌/మ్యాథమెటిక్స్‌లో మాస్టర్స్‌ డిగ్రీ 60 శాతం మార్కులతో ఉత్తీర్ణులవ్వాలి లేదా ఇంజనీరింగ్‌/టెక్నాలజీ డిగ్రీ 60 శాతం మార్కులతో ఉత్తీర్ణత సాధించాలి. గరిష్ట వయసు 45 ఏళ్లు మించకూడదు. ఏడేళ్ల పరిశోధన అనుభవం ఉండాలి. మోడల్‌ కోడ్‌ హ్యాండ్లింగ్‌లో ప్రాథమిక పరిజ్ఞానం ఉండాలి. అనుభవాన్ని సైంటిఫిక్‌ రిపోర్ట్స్‌ /పబ్లికేషన్స్‌ ఆధారంగా పరిగణిస్తారు.

JEE Advanced 2024: 9న జేఈఈ అడ్వాన్స్‌డ్‌ ఫలితాలు.. రెస్పాన్స్‌ షీట్‌ మాత్రం ఈ రోజే..

»   ప్రాజెక్ట్‌ సైంటిస్ట్‌–2: ఫిజిక్స్‌/జియాలజీ/ఎర్త్‌ సైన్స్‌/జియోఫిజిక్స్‌/అనలిటికల్‌ కెమిస్ట్రీలో మాస్టర్స్‌ డిగ్రీ కనీసం 60శాతం మార్కులతో ఉత్తీర్ణులవ్వాలి. గరిష్ట వయసు 40 ఏళ్లు మించకూడదు. ఎంఎస్‌–ఆఫీస్‌ పరిజ్ఞానం, మూడేళ్ల పని అనుభవం ఉండాలి. జియో కెమికల్‌ అనలిటికల్‌ టెక్నిక్స్, అనలిటికల్‌ ఇన్‌స్ట్రుమెంట్స్‌ నిర్వహణ తెలిసినవారికి ప్రాధాన్యమిస్తారు.
»   ప్రాజెక్ట్‌ సైంటిస్ట్‌–1: ఫిజిక్స్‌/ఎలక్ట్రానిక్స్‌/అట్మాస్ఫియరిక్‌ సైన్స్‌లో మాస్టర్స్‌ డిగ్రీ 60శాతం మార్కులతో ఉత్తీర్ణత సాధించాలి. లేదా ఎలక్ట్రానిక్స్‌/ఇన్‌స్ట్రుమెంటేషన్‌/ఈఈఈ/ఈ అండ్‌ టీలో ఇంజనీరింగ్‌ డిగ్రీ 60 శాతం మార్కులతో ఉత్తీర్ణులవ్వాలి. గరిష్ట వయసు 35 ఏళ్లు మించకూడదు. సైన్స్‌లో డాక్టోరల్‌ డిగ్రీ/ఇంజనీరింగ్‌లో మాస్టర్స్‌ డిగ్రీ చేసినవారికి, సంబంధిత ఉద్యోగానుభవం ఉన్నవారికి ప్రాధాన్యం ఇస్తారు.
»   ట్రైయినింగ్‌ కోఆర్టినేటర్‌–1: మాస్టర్స్‌ డిగ్రీ పూర్తి చేసి గవర్నమెంట్‌/సీఎస్‌యూల్లో నాలుగేళ్ల ఉద్యోగానుభవం ఉండాలి. గరిష్ట వయసు 40 ఏళ్లు ఉండాలి. అలాగే హ్యూమన్‌ రిసోర్స్‌ మేనేజ్‌మెంట్‌/పర్సనల్‌ మేనేజ్‌మెంట్‌/లేబర్‌ మేనేజ్‌మెంట్‌లో పీజీ డిప్లొమా చేసినవారికి, సూపర్‌వైజర్‌ స్థాయిలో మూడేళ్లు పనిచేసినవారికి, జాతీయ, అంతర్జాతీయ సెమినార్లు, వర్క్‌షాపులు, సమావేశాలను సమన్వయం చేసినవారికి ప్రాధాన్యమిస్తారు.
»   సీనియర్‌ ప్రాజెక్ట్‌ అసోసియేట్‌: ఫిజిక్స్‌/మెటిరియాలజీ/అట్మాస్ఫియరిక్‌ సైన్సెలో ఎమ్మెస్సీ/ఎంటెక్‌ డిగ్రీ ఉత్తీర్ణత ఉండాలి. గరిష్ట వయసు 40 ఏళ్లు ఉండాలి. ఇండస్ట్రియల్‌/అకడమిక్‌ ఇన్‌స్టిట్యూషన్‌/సైన్స్‌ అండ్‌ టెక్నాలజీ ఆర్గనైజేషన్స్‌లోని రీసెర్చ్‌ అండ్‌ డెవలప్‌మెంట్‌ విభాగంలో నాలుగేళ్ల ఉద్యోగానుభవం ఉండాలి. అట్మాస్ఫియరిక్‌ ఇన్‌స్ట్రుమెంట్స్, డేటా అక్విజిషన్‌లో ప్రాథమిక పరిజ్ఞానం ఉన్నవారికి ప్రా«ధాన్యం ఇస్తారు.
»   ప్రాజెక్ట్‌ అసోసియేట్‌ –2: ఫిజిక్స్‌/మ్యాథమెటిక్స్‌/మెటియోరాలజీ/ఓషనోగ్రఫీ/అట్మాస్ఫియరిక్‌ సైన్సెస్‌/ఎర్త్‌ సైన్సెస్‌/క్లైమేట్‌ సైన్సెస్‌/స్టాటిస్టిక్స్‌లో మాస్టర్‌ డిగ్రీ ఉత్తీర్ణత ఉండాలి. గరిష్ట వయసు 35 ఏళ్లు ఉండాలి. అలాగే ఎర్త్‌ సిస్టమ్‌ మోడలింగ్‌/క్లైమేట్‌ మోడలింగ్‌లో రెండేళ్ల పరిశోధనాభవం ఉండాలి. సైంటిఫిక్‌ రిపోర్ట్స్‌/పబ్లికేషన్స్‌ ఆధారంగా అనుభవాన్ని పరిగణిస్తారు. ప్రోగ్రామింగ్‌ లాంగ్వేజెస్‌లో పరిజ్ఞానం ఉండి.. ప్రముఖ సంస్థల్లో పనిచేసినవారికి ప్రాధాన్యం ఉంటుంది.
»   ప్రాజెక్ట్‌ అసోసియేట్‌ –1: ఫిజిక్స్‌/అప్లైడ్‌ ఫిజిక్స్‌/అట్మాస్ఫియరిక్‌ సైన్సెస్‌/మెటియరాలజీ,ఓషనోగ్రఫీ/క్లైమేట్‌ సైన్స్‌/జియోఫిజిక్స్‌/ఎన్విరాన్‌మెంటల్‌ సైన్సెలో మాస్టర్‌ డిగ్రీ ఉత్తీర్ణత సాధించాలి.
»   రీసెర్చ్‌ అసోసియేట్‌(డీప్‌ ఓషన్‌ మిషన్‌)–2: మెటియరాలజీ/అట్మాస్ఫియరిక్‌ సైన్సెస్‌/ఎర్త్‌ సైన్సెస్‌/క్లైమేట్‌ సైన్సెస్‌/ఓషనోగ్రఫీ /ఫిజిక్స్‌/అప్లైడ్‌ ఫిజిక్స్‌/మ్యాథమెటిక్స్‌లో డాక్టరేట్‌ డిగ్రీ ఉండాలి. లేదా ఎంటెక్‌ చదివిన తర్వాత మూడేళ్ల పరిశోధన అనుభవం ఉండాలి. గరిష్ట వయసు 35 ఏళ్లు. సైంటిఫిక్‌ రిపోర్ట్స్‌/పబ్లికేషన్స్‌ ఆధారంగా అనుభవాన్ని పరిగణిస్తారు. ప్రోగ్రామింగ్‌ లాంగ్వేజెస్‌లో పరిజ్ఞానం ఉన్నవారికి ప్రాధాన్యం ఇస్తారు. ఏఐ/ఎంఎల్‌ టెక్నిక్స్‌లో అనుభవం ఉండాలి.

ముఖ్యసమాచారం
»   దరఖాస్తు విధానం: ఆన్‌లైన్‌ ద్వారా.
»   ఆన్‌లైన్‌ దరఖాస్తులకు చివరి తేదీ: 18.06.2024
»   వెబ్‌సైట్‌: https://www.tropmet.res.in