250 మందిని ఇంజనీర్లను నియమించుకోనున్న ఉబెర్‌

ఇంజనీరింగ్, ప్రొడక్ట్‌ వర్క్‌ కార్యకలాపాల విస్తరణలో భాగంగా హైదరాబాద్, బెంగళూరు టెక్నాలజీ సెంటర్ల కోసం వీరిని రిక్రూట్‌ చేయనుంది. 2021 చివరినాటికి ఈ రెండు కేంద్రాల్లో సిబ్బంది సంఖ్య 1,000కి చేరే అవకాశం ఉందని సంస్థ తెలిపింది. మొబిలిటీ, డెలివరీ సేవలు మరింత అందుబాటులోకి తీసుకురావడానికి, ప్రపంచవ్యాప్తంగా 10,000 నగరాల్లో రవాణాకు వెన్నెముకగా నిలవడానికి విస్తరణ ప్రణాళికలు సంస్థ లక్ష్యానికి అనుగుణంగా ఉన్నాయని ఉబెర్‌ తెలిపింది.