Sakshi Education

హైదరాబాద్‌, సాక్షి: దేశవ్యాప్తంగా జరిగిన జేఈఈ మెయిన్‌ 2025 (JEE Main 2025) ఉమ్మడి ప్రవేశ పరీక్షలో తెలుగు రాష్ట్రాల విద్యార్థులు అద్భుతంగా రాణించారు. 100 పర్సంటైల్ సాధించిన 24 మంది టాపర్స్‌లో తెలంగాణ, ఆంధ్రప్రదేశ్ కు చెందిన నలుగురు విద్యార్థులు ఉన్నారు.

jee main 2025 results telangana andhra toppers percentile

తెలంగాణకు చెందిన హర్ష్‌డ్ గుప్తా, వంగల అజయ్ రెడ్డి, బనిబ్రత మజీతో పాటు ఆంధ్రప్రదేశ్‌కు చెందిన సాయి మనోజ్ఞ గుత్తికొండ 100 పర్సంటైల్‌తో టాప్‌ ర్యాంకర్లుగా నిలిచారు. టాప్‌ 100 ర్యాంకుల్లో 15 మంది తెలుగు విద్యార్థులు చోటు దక్కించుకోగా, 99 పర్సంటైల్‌కు పైగా సాధించినవారి సంఖ్య 100 మందికి మించింది.

జేఈఈ మెయిన్ 2025 ఫలితాలను నేషనల్ టెస్టింగ్ ఏజెన్సీ (NTA) ఏప్రిల్ 12 అర్ధరాత్రి విడుదల చేసింది. ఈ ఏడాది మొత్తం 10.6 లక్షల మంది అభ్యర్థులు పరీక్షకు నమోదు చేసుకోగా, 9.92 లక్షల మంది హాజరయ్యారు. అందులో తెలుగు రాష్ట్రాల నుండి 2 లక్షల మంది పాల్గొన్నారు.

చదవండి: మేనేజ్‌మెంట్‌ అడ్మిషన్‌ టెస్టుపై టీ–సాట్‌లో ప్రత్యేక పాఠాలు

JEE Advanced 2025: క్వాలిఫై అయినవారి సంఖ్య

JEE మైన్‌ 2025 ర్యాంక్ ఆధారంగా JEE అడ్వాన్స్‌డ్‌కు 2.50 లక్షల మంది ఎంపికయ్యారు. కేటగిరీ వారీగా కటాఫ్ మరియు ఎంపికైన అభ్యర్థుల సంఖ్య ఇలా ఉంది:

కేటగిరీ	పర్సంటైల్ కటాఫ్	ఎంపికైన అభ్యర్థులు
ఓపెన్	93.102 పైగా	97,321 మంది
పీడబ్ల్యూబీడీ	0.007 పైగా	3,950 మంది
ఈడబ్ల్యూఎస్	80 పైగా	25,009 మంది
ఓబీసీ	79 పైగా	67,614 మంది
ఎస్సీ	61.15 పైగా	37,519 మంది
ఎస్టీ	47.90 పైగా	18,823 మంది