Sakshi Education

జాతీయ స్థాయిలో ఐఐటీలు, ఎన్‌ఐటీలు, ట్రిపుల్‌ఐటీల్లో ప్రవేశాల కోసం నిర్వహించిన JEE Main 2025 ఫలితాలు విడుదలయ్యాయి. దాదాపు 13 లక్షల మంది పరీక్షకు హాజరవగా, 2.5 లక్షల మంది విద్యార్థులు JEE Advanced 2025 కు అర్హత పొందారు. IITలో సీటు లక్ష్యంగా సన్నద్ధమవుతున్న వారితో పాటు, ఎన్‌ఐటీ, ట్రిపుల్‌ఐటీ, జీఎఫ్‌టీఐల్లో ప్రవేశాల కోసం ప్రణాళిక రూపొందించాల్సిన విద్యార్థుల కోసం ఇప్పుడు JoSAA కౌన్సెలింగ్ కీలకం కానుంది.

What Next After JEE Main Results JEE Main 2025 results announced NIT and IIIT admission guidance after JEE Main

జేఈఈ మెయిన్‌ తర్వాత ఏం చేయాలి?

JEE Advanced‌కు అర్హత పొందిన విద్యార్థులు మే 18న నిర్వహించనున్న పరీక్షకు ప్రణాళికాబద్ధంగా సన్నద్ధం కావాలి.
అడ్వాన్స్‌డ్‌ రాయని విద్యార్థులు NIT, IIIT, GFTIలపై దృష్టి పెట్టాలి.
తెలంగాణ, ఆంధ్రప్రదేశ్ విద్యార్థులు TG EAPCET / AP EAPCETలను కూడా లక్ష్యంగా పెట్టుకోవచ్చు.

JoSAA కౌన్సెలింగ్‌కు ముందస్తు సిద్ధత

JoSAA (Joint Seat Allocation Authority) ద్వారా NITలు, IIITలు, GFTIల సీట్ల భర్తీ జరుగుతుంది.
మొత్తం 6 రౌండ్ల కౌన్సెలింగ్ ఉంటుంది.
అభ్యర్థులు JoSAA వెబ్‌సైట్‌లో ఆన్‌లైన్ ఛాయిస్ ఫిల్లింగ్ ద్వారా బ్రాంచ్, ఇన్‌స్టిట్యూట్ ప్రాధాన్యతలు ఇవ్వాలి.

చదవండి: Singareni Merit Scholarship: ‘సింగరేణి’ ఉపకార వేతనాల పెంపు

హోమ్‌ స్టేట్‌ కోటా అంటే ఏంటి?

ఎన్‌ఐటీల్లో 50% సీట్లు హోమ్‌ స్టేట్‌ విద్యార్థులకు కేటాయిస్తారు.
ఉదాహరణకు వరంగల్‌ NITకు తెలంగాణ విద్యార్థులకు అధిక అవకాశాలు ఉంటాయి.

బ్రాంచ్, ఇన్‌స్టిట్యూట్ ఎంపిక ఎలా?

ప్లేస్‌మెంట్స్, ఫ్యాకల్టీ, NIRF ర్యాంకులు, గత కటాఫ్‌లు ఆధారంగా నిర్ణయం తీసుకోవాలి.
డ్యూయల్ డిగ్రీ (B.Tech + M.Tech) కోర్సుల విషయంలో బ్రాంచ్ ఖచ్చితంగా పరిశీలించాలి.

JoSAA 2025 ముఖ్య తేదీలు

జూన్ 3 నుంచి JoSAA కౌన్సెలింగ్ ప్రారంభం కానుంది.
23 IITలలో 17,740 సీట్లు, 32 NITలలో 24,299 సీట్లు, 26 IIITలలో 9,546 సీట్లు, 33 GFTIలలో 9,402 సీట్లు అందుబాటులో ఉన్నాయి.