తెలంగాణలో ఇంటర్ పరీక్షలు ఫిబ్రవరి 28 నుంచే..

ఆంధ్రప్రదేశ్‌లో ఫిబ్రవరి 28 నుంచి ఇంటర్ పరీక్షలు జరగనుండటంతో అదే తేదీ నుంచి రాష్ట్రంలోనూ వార్షిక పరీక్షలు నిర్వహిస్తామని తెలిపింది. రెగ్యులర్ పరీక్షలతోపాటు అంతకంటే ముందే నిర్వహించే ప్రాక్టికల్ పరీక్షలు, ఎథిక్స్ అండ్ హ్యూమన్ వ్యాల్యూస్, ఎన్విరాన్‌మెంటల్ ఎడ్యుకేషన్, ప్రాక్టికల్ పరీక్షల సవరించిన టైంటేబుల్‌ను ఈ మేరకు విడుదల చేసింది. దీని ప్రకారం ఇంటర్ ఫస్టియర్ పరీక్షలు ఫిబ్రవరి 28 నుంచి మార్చి 17 వరకు, సెకండియర్ పరీక్షలు మార్చి 1 నుంచి 19 వరకు జరుగుతాయి. అలాగే జనవరి 27న, ఎథిక్స్ అండ్ హ్యూమన్ వ్యాల్యూస్ పరీక్ష, జనవరి 29న ఎన్విరాన్‌మెంటల్ ఎడ్యుకేషన్ పరీక్ష ఉంటుంది. ఫిబ్రవరి 1 నుంచి 21 వరకు ప్రాక్టికల్ పరీక్షలు ఉంటాయి. జనరల్, వొకేషన్ కోర్సుల వారికి ఇదే షెడ్యూల్ వర్తిస్తుంది.

గందరగోళం, అనుమానాలు వద్దనే...
వాస్తవానికి మార్చి 1 నుంచి తెలంగాణలో ఇంటర్ పరీక్షలు నిర్వహించేలా బోర్డు నవంబర్ 7న టైంటేబుల్‌ను ప్రకటించింది. అయితే ఆంధ్రప్రదేశ్‌లో ఫిబ్రవరి 28 నుంచి ఇంటర్ వార్షిక పరీక్షలు నిర్వహిస్తామని ఏపీ ప్రభుత్వం ప్రకటించడంతో తెలంగాణ ఇంటర్ బోర్డు పునరాలోచనలో పడింది. తెలంగాణ, ఆంధ్రప్రదేశ్‌లలో ఇంటర్ ఆప్షనల్ సబ్జెక్టుల్లో కామన్ సిలబస్ ఉండటంతో ఆంధ్రప్రదేశ్‌లో ప్రతి పరీక్ష జరిగిన మర్నాడే తెలంగాణలో అదే పరీక్షను నిర్వహించాల్సి ఉంటుంది. ఈ క్రమంలో ఎవరైనా ఆంధ్రప్రదేశ్‌కు చెందిన పరీక్షల ప్రశ్నపత్రాన్ని తెలంగాణలో పేపర్ లీకేజీ పేరిట వదంతులు సృష్టిస్తే తీవ్ర గందరగోళం ఏర్పడుతుంది. పైగా ఆ ప్రశ్నపత్రాలపై అది ఏ రాష్ట్ర బోర్డుకు చెందిందో ఉండదు. ఈ పరిస్థితుల్లో విద్యార్థుల్లో ఎటువంటి గందరగోళం, ఆందోళన తలెత్తకుండా చూసేందుకు ఆంధ్రప్రదేశ్‌లో జరిగే తేదీల్లోనే రాష్ట్రంలోనూ వార్షిక పరీక్షలు నిర్వహించేలా తెలంగాణ ఇంటర్ బోర్డు షెడ్యూల్‌ను సవరించింది.

సవరించిన టైంటేబుల్ ఇదీ...

తేదీ	ఫస్టియర్ (సబ్జెక్టు)	తేదీ	సెకండియర్ (సబ్జెక్టు)
28-2-2018	ద్వితీయ భాష పేపర్-1	1-3-2018	ద్వితీయ భాష పేపర్-2
3-3-2018	ఇంగ్లిష్ పేపర్-1	5-3-2018	ఇంగ్లిష్ పేపర్-2
6-3-2018	మ్యాథమెటిక్స్ పేపర్-1ఏ,	7-3-2018	మ్యాథమెటిక్స్ పేపర్-2ఏ,
-	బోటనీ పేపర్-1,	-	బోటనీ పేపర్-2
-	సివిక్స్ పేపర్-1,	-	సివిక్స్ పేపర్-2
-	సైకాలజీ పేపర్-1	-	సైకాలజీ పేపర్-2
8-3-2018	మ్యాథమెటిక్స్ పేపర్-1బీ,	9-3-2018	మ్యాథమెటిక్స్ పేపర్-2బీ
-	జువాలజీ పేపర్-1,	-	జువాలజీ పేపర్-2,
-	హిస్టరీ పేపర్-1	-	హిస్టరీ పేపర్-2
10-3-2018	ఫిజిక్స్ పేపర్-1,	12-3-2018	ఫిజిక్స్ పేపర్-2,
-	ఎకనామిక్స్ పేపర్-1	-	ఎకనామిక్స్ పేపర్-2
-	క్లాసికల్ లాంగ్వేజ్ పేపర్ పేపర్-1	-	క్లాసికల్ లాంగ్వేజ్ పేపర్-2
13-3-2018	కెమిస్ట్రీ పేపర్-1	14-3-2018	కెమిస్ట్రీ పేపర్-2
-	కామర్స్ పేపర్-1	-	కామర్స్ పేపర్-2
-	సోషియాలజీ పేపర్-1	-	సోషియాలజీ పేపర్-2
-	ఫైన్ ఆర్‌‌ట్స, మ్యూజిక్ పేపర్-1	-	ఫైన్ ఆర్‌‌ట్స, మ్యూజిక్ పేపర్-2
15-3-2018	జియాలజీ పేపర్-1	16-3-2018	జియాలజీ పేపర్-2
-	హోం సెన్సైస్ పేపర్-1	-	హోం సెన్సైస్ పేపర్-2
-	పబ్లిక్ అడ్మినిస్ట్రేషన్‌న్ పేపర్-1	-	పబ్లిక్ అడ్మినిస్ట్రేషన్‌న్ పేపర్-2
-	లాజిక్ పేపర్-1	-	లాజిక్ పేపర్-2
-	బ్రిడ్జి కోర్సు మ్యాథ్స్ పేపర్-1 (బైపీసీ వారికి)	-	బ్రిడ్జి కోర్సు మ్యాథ్స్ పేపర్-2 (బైపీసీ వారికి)
17-3-2018	మోడ్రన్ లాంగ్వేజ్ పేపర్-1	19-3-2018	మోడ్రన్ లాంగ్వేజ్ పేపర్-2
-	జియోగ్రఫీ పేపర్-1	-	జియోగ్రఫీ పేపర్-2