ఈ పరీక్షల్లో గణితం, ఫిజిక్స్‌లో ఎక్కువ సమయం తీసుకునే ప్రశ్నలు రావడంతో విద్యార్థులు కొంత ఇబ్బంది పడాల్సి వచ్చింది. కొన్నింటికి ఒకటి కంటే ఎక్కువ సమాధానాలు ఉన్నట్లు ఐఐటీ నిఫుణుడు ఉమాశంకర్ తెలిపారు. మ్యాథ్స్, ఫిజిక్స్‌తో పోల్చితే కెమిస్ట్రీ సులభంగా ఉందన్నారు. పేపర్-1 కంటే పేపర్-2లో ప్రశ్నలు కఠినంగా ఉన్నట్లు చెప్పారు. 62 మార్కులకు సంబంధించిన ప్రశ్నలకు ఒకటి కంటే రెండు సమాధానాలు ఉన్నాయని చెప్పారు. ఈ ప్రశ్నల తీరుతో జనరల్ కటాఫ్ 30 శాతం కంటే ఎక్కువ ఉండే అకాశం ఉందన్నారు. అలాగే ఓబీసీలో 25 శాతం కంటే ఎక్కువ, ఎస్సీలో 12 శాతం కంటే ఎక్కువ, ఎస్టీల్లో 12 శాతం కంటే ఎక్కువ కటాఫ్ ఉండొచ్చని పేర్కొన్నారు.