ఇంటర్ రీకౌంటింగ్, రీవెరిఫికేషన్ గడువు పెంపు

వాస్తవానికి ఏప్రిల్ 25 నాటికి దరఖాస్తు గడువు ముగియనుండగా.. మరో రెండ్రోజులపాటు గడువును పెంచింది. దీంతో ఏప్రిల్ 27 వరకు ఇంటర్ బోర్డు వెబ్‌సైట్‌తోపాటు టీఎస్ ఆన్‌లైన్ సేవా కేంద్రాల్లో ఫీజును చెల్లించేందుకు వెసులుబాటు కల్పించినట్లు బోర్డు కార్యదర్శి అశోక్ తెలిపారు. ఫలితాల్లో తప్పిదాలు చోటుచేసుకున్నాయంటూ పెద్ద సంఖ్యలో విద్యార్థులు రీకౌంటింగ్, రీవెరిఫికేషన్‌కు దరఖాస్తు చేసుకుంటున్నారు. ఈ క్రమంలో సాంకేతిక సమస్యలు తలెత్తడంతో విద్యార్థులు ఇబ్బందులు పడుతున్నారు. దీంతో గడువును పొడిగించాలని అన్ని వర్గాలు ఒత్తిడి చేయడంతో బోర్డు ఈ మేరకు నిర్ణయం తీసుకుంది.