జాతీయ ఇంధన పరిరక్షణ దినోత్సవాన్ని ఎప్పుడు పాటిస్తారు?

ఏటా డిసెంబర్ 14న విద్యుత్ మంత్రిత్వ శాఖ ఆధ్వర్యంలోని బ్యూరో ఆఫ్ ఎనర్జీ ఎఫిషియెన్సీ, ప్రస్తుతం, భవిష్యత్ తరాలకు ఇంధన సంరక్షణ ప్రాముఖ్యతపై అవగాహన పెంచే ప్రయత్నంలో ఇంధన పరిరక్షణ దినోత్సవాన్ని జరుపుకుంటుంది. వాతావరణ మార్పుల తగ్గింపు కోసం కృషి చేస్తున్నప్పుడు ఇంధన సామర్థ్యం మరియు పరిరక్షణలో భారతదేశం సాధించిన విజయాలను ప్రదర్శించడానికి ఈ రోజు ప్రతి సంవత్సరం నిర్వహించబడుతుంది.

1978లో పెట్రోలియం కన్జర్వేషన్ రీసెర్చ్ అసోసియేషన్ (పీసీఆర్ఏ) అనే ప్రభుత్వ సంస్థను ఏర్పాటు చేశారు. శక్తి సామర్థ్యం, పరిరక్షణను ప్రోత్సహించడానికి పని చేస్తుంది. పీసీఆర్ఏ ప్రింట్, టెలివిజన్, రేడియో, డిజిటల్ మార్గాల వంటి మాస్ మీడియా ద్వారా అనేక ప్రచారాలను నిర్వహించింది. 2001లో ఇంధన పరిరక్షణ చట్టం, 2001 కింద దీన్ని నియంత్రించడానికి రాజ్యాంగ సంస్థ అయిన బ్యూరో ఆఫ్ ఎనర్జీ ఎఫిషియెన్సీని ఏర్పాటు చేశారు.

సంస్థ ప్రాథ‌మిక లక్ష్యం భారత ఆర్థిక వ్యవస్థలో ఎన‌ర్జీ తీవ్రతను తగ్గించడం. ఇంధన సామర్థ్యం, పరిరక్షణను ప్రోత్సహించడం దీని బాధ్యత. భవిష్యత్ తరాల కోసం శక్తిని ఆదా చేయడానికి శక్తిని సమర్థవంతంగా ఉపయోగించడం అవసరం. తిరిగి త‌యారు చేయ‌లేని శక్తి వనరులు వేగంగా అయిపోవ‌డం ప్రపంచవ్యాప్తంగా ఆందోళనకు ప్రధాన కారణం.

అందువల్ల ఇంధన వనరులను న్యాయంగా ఉపయోగించడాన్ని ప్రోత్సహించడానికి, శక్తిని వృథా చేయకుండా నిరోధించడానికి, శక్తి సామర్థ్యాన్ని పెంచడానికి జాతీయ శక్తి పరిరక్షణ దినోత్సవాన్ని గుర్తించారు. బ్యూరో ఆఫ్ ఎనర్జీ ఎఫిషియెన్సీ (బీఈఈ) ఈ దిశలో స్థిరమైన అభివృద్ధి లక్ష్యాలను చేరుకోవడానికి పనిచేస్తుంది.

దాని ప్రధాన విధులు కొన్ని:

• అవగాహన‌, శక్తి సామర్థ్యం, పరిరక్షణపై సమాచారాన్ని వ్యాప్తి చేయడం.
• శక్తి వినియోగంలో పరిశోధన, అభివృద్ధిని ప్రోత్సహిస్తుంది.
• శక్తి సమర్థవంతమైన ప్రక్రియలు, పరికరాలు, వ్యవస్థలు.
• శక్తిని సమర్థవంతంగా ఉపయోగించడం, దాని పరిరక్షణ ప్రాముఖ్యతపై విద్యా పాఠ్యాంశాలను సిద్ధం చేయడం.