అంతర్జాతీయ పర్వత దినోత్సవాన్ని ఎప్పుడు పాటిస్తారు?

 పర్వత ప్రాంతాలను రక్షించడం చాలా ముఖ్యం, ఎందుకంటే ప్రపంచ జనాభాలో పర్వత ప్రాంతాల్లోనే 15% ఉన్నారు. ప్రపంచంలోని జీవ వైవిధ్య హాట్‌స్పాట్లలో సగానికి పైగా అక్కడే ఉన్నాయి. సుస్థిర అభివృద్ధి లక్ష్యం 15లో పర్వతాల రక్షణ కూడా ఒక ముఖ్య భాగం. ఈ సంవత్సరం, "పర్వత జీవవైవిధ్యం" అనే థీమ్‌తో అంతర్జాతీయ పర్వత దినోత్సవాన్ని నిర్వహించారు.

ముఖ్య విష‌యాలు:

• మొట్టమొదటి అంతర్జాతీయ పర్వత దినోత్సవాన్ని 2003లో జరుపుకున్నారు. పర్వత ప్రాంతాలు, వాటి రక్షణ చర్యలు పెర‌గ‌వ‌ల‌సిన ఆవ‌శ్యక‌త, 2002లో ఐక్యరాజ్యసమితి అంతర్జాతీయ పర్వత ప్రాంతాలు దినోత్సవాన్ని ప్రక‌టించేలా చేసింది.
• 1992లో ఐక్యరాజ్యసమితి "మేనేజింగ్ ఫ్రాగిల్ ఎకోసిస్టమ్స్: సస్టైనబుల్ మౌంటైన్ డెవలప్‌మెంట్‌"ను స్వీకరించింది. పర్యావరణం, అభివృద్ధిపై సమావేశం "అజెండా 21" కార్యాచరణ ప్రణాళికలో ఇది భాగం.
• ఎస్‌డీజీ 15 గోల్‌ 4 పర్వత జీవ వైవిధ్యాన్ని పరిరక్షించడానికి అంకితం చేశారు. అలాగే 2021 నుంచి 2030 వరకు దశాబ్దం పర్యావరణ వ్యవస్థ పునరుద్ధరణ కోసం ఐక్యరాజ్యసమితి దశాబ్దంగా ప్రకటించబడింది. ఇందులో పర్వత పర్యావరణ వ్యవస్థలు కూడా ఉన్నాయి.
• బయోలాజికల్ డైవర్సిటీ కన్వెన్షన్ (సిఓపి 15) కు సంబంధించి జ‌రిగిన పదిహేనో సమావేశంలో నిర్ణయించిన ప్రకారం 2020 తరువాత ప్రపంచ జీవవైవిధ్యానికి సంబంధించి ప్రభుత్వాలు ఫ్రేమ్ వ‌ర్క్‌కు సిద్ధం కావాల్సి ఉంది. ఈ చర్యలు పర్వతాలను రక్షించడంలో సహాయపడతాయి.
• ఐక్యరాజ్యసమితి ప్రకారం, ప్రపంచంలోని 80% ఆహారాన్ని అందించే 20 పంటలలో, ఆరు పర్వత ప్రాంతాలలో ఉన్నాయి. అవి బంగాళాదుంపలు, బార్లీ, టమోటాలు, బార్లీ, జొన్న మరియు ఆపిల్‌.
• మానవులలో సగానికి పైగా పర్వతాల నుంచి వ‌చ్చే మంచినీటిపైనే ఆధారపడతారు. ప్రపంచంలోని కీలకమైన జీవ వైవిధ్య ప్రాంతాల్లో 30% పైగా పర్వత ప్రాంతాలలో ఉన్నాయి. వాతావరణ మార్పు, అధిక అభివృద్ధి కారణంగా పర్వత ప్రాంతాలకు ఎక్కువగా ముప్పు పొంచి ఉన్నాయి.
• ఆల్పైన్, హిమానీనదాలు వేగంగా కరుగుతున్నాయి. అందువల్ల కార్బన్ ఉద్గారాల‌ను తగ్గించడం, ఈ పర్వతాలు, వాటి జీవవైవిధ్యాన్ని రక్షించడం చాలా కీలకంగా మారింది.