ప్రస్తుతం బీఫార్మసీ చదువుతున్నాను. అమెరికా లేదా యూకేలో ఎంఫార్మసీ చేయాలంటే ఎలా?
Question
ప్రస్తుతం బీఫార్మసీ చదువుతున్నాను. అమెరికా లేదా యూకేలో ఎంఫార్మసీ చేయాలంటే ఎలా?
విదేశాల్లో ఎంఫార్మసీ కాసింత ఖర్చుతో కూడుకున్న వ్యవహారం. అమెరికాలో రెండేళ్ల వ్యవధిలో ఉండే ఈ కోర్సులో ప్రవేశించాలంటే ఫార్మసీ కాలేజ్ అడ్మిషన్ టెస్ట్లో నిర్దేశిత స్కోరు సొంతం చేసుకోవాలి. దాదాపు 35 వేల నుంచి 55 వేల అమెరికన్ డాలర్ల మేర ఫీజు ఉంటుంది. అక్కడ ఫార్మసీకి సంబంధించి.. లాంగ్ ఐల్యాండ్ యూనివర్సిటీ, మాసాచుసెట్స్ కాలేజ్ ఆఫ్ ఫార్మసీ అండ్ హెల్త్ సెన్సైస్, న్యూజెర్సీ ఇన్స్టిట్యూట్ ఆఫ్ టెక్నాలజీ, నార్త్ ఈస్ట్రన్ యూనివర్సిటీ, ఓహియో స్టేట్ యూనివర్సిటీలు పేరుగడించాయి. యూకేలో కొన్ని యూనివర్సిటీలు ఏడాది వ్యవధిలోనే ఎంఫార్మసీని బోధిస్తున్నాయి. ఈ క్రమంలో యూనివర్సిటీ ఆఫ్ స్ట్రాచ్కై ్లడ్, రాబర్ట్ గోర్డాన్ యూనివర్సిటీ, యూనివర్సిటీ ఆఫ్ లండన్(స్కూల్ ఆఫ్ ఫార్మసీ)లు నాణ్యమైన బోధనకు గుర్తింపుగా ఉన్నాయి.