పోటీపరీక్షల్లో పర్యావరణ శాస్త్ర సన్నద్ధతలో భాగంగా ప్రధానంగా ఏ అంశాలపై దృష్టిసారించాలి?

ఈ మధ్యకాలంలో వీఆర్‌వో నుంచి సివిల్స్ వరకు పరీక్షల్లో పర్యావరణ అంశాలకు ప్రాధాన్యం పెరిగింది. పర్యావరణం, ఆవరణ వ్యవస్థ, జాగ్రఫీ మిళితంగా ఉండే ప్రశ్నలు ఎక్కువగా వస్తున్నాయి.

ప్రధానంగా దృష్టిసారించాల్సిన అంశాలు...

• ఎకోటోన్, కోరల్ బ్లీచింగ్, కార్బన్ ఫుట్‌ప్రింట్, ఫ్యూయల్ పావర్టీ వంటి జీవావరణ, పర్యావరణ సంబంధిత పదజాలం.
• జల, వాయు, ధ్వని, నేల తదితర కాలుష్యాలు-కారకాలు, ప్రభావం. ఆమ్లవర్షాలు, ఫొటోకెమికల్ స్మాగ్, గ్రీన్‌హౌస్ వాయువులు, ఓజోన్ పొరకు రంధ్రం, వ్యర్థాల నిర్వహణ.
• జీవవైవిధ్యానికి సంబంధించి ఇంటర్నేషనల్ యూనియన్ ఫర్ కన్జర్వేషన్ ఆఫ్ నేచర్ (ఐయూసీఎన్).. రెడ్ డేటాబుక్, బయోడైవర్సిటీ హాట్‌స్పాట్స్.
• సహజ వనరుల పరిరక్షణ, జాతీయ పార్కులు, వన్యప్రాణి సంరక్షణా కేంద్రాలు, చిత్తడినేలలు, బయోస్పియర్ రిజర్వ్‌లు.
• పునరుత్పాదక ఇంధన వనరులు, జీవ ఇంధనాలు, జీవ క్రిమిసంహారకాలు తదితర అంశాలు.
• జీవావరణం పరంగా సున్నితమైన పశ్చిమకనుమలు, హిమాలయాలకు సంబంధించిన అంశాలు.
• వాతావరణ మార్పులు, కారణాలు, ప్రభావాలు, ఎదుర్కొనే చర్యలు, అంతర్జాతీయ సదస్సులు, ఒప్పందాలు తదితర అంశాలు.
• పర్యావరణ పరిరక్షణ చట్టం, అటవీ చట్టం, జీవ వైవిధ్య చట్టం తదితర ప్రధాన చట్టాల్లోని ముఖ్యాంశాలు తెలుసుకోవాలి.
• యునెటైడ్ నేషన్స్ ఎన్విరాన్‌మెంట్ ప్రోగ్రాం (యూఎన్‌ఈపీ), గ్లోబల్ ఎన్విరాన్‌మెంట్ ఫెసిలిటీ (జీఈఎఫ్), ఇంటర్ గవర్నమెంటల్ ప్యానెల్ ఆన్ క్లైమేట్ ఛేంజ్ (ఐపీసీసీ) తదితర అంతర్జాతీయ సంస్థలు, కార్యాచరణ విభాగాల గురించి తెలుసుకోవాలి.

రిఫరెన్స్ :

• ఎన్‌సీఈఆర్‌టీ/సీబీఎస్‌ఈ ఆరు నుంచి 12 తరగతుల పుస్తకాలు. ఇగ్నో మెటీరియల్, ఎన్‌ఐఓఎస్ పుస్తకాలు, అధికారిక వెబ్‌సైట్లు.