ఇంటర్‌లో 35 మార్కులొచ్చినా.. ఇంజనీరింగ్ కౌన్సెలింగ్‌కు

అప్పటి వరకు రెండో విడత కౌన్సెలింగ్ నిర్వహించరాదంటూ న్యాయమూర్తి జస్టిస్ నవీన్‌రావు అక్టోబర్ 28వ తేదీన మధ్యంతర ఉత్తర్వులు జారీచేశారు. ఇంటర్‌లో 45 మార్కులు వచ్చిన వారినే కౌన్సెలింగ్‌కు అనుమతిస్తామంటూ ఇచ్చిన ఉత్తర్వులను సవాల్ చేస్తూ డి.సాకేత్ చైతన్య దాఖలు చేసిన పిటిషన్‌ను న్యాయమూర్తి విచారించారు. కరోనా నేపథ్యంలో పరీక్షలు నిర్వహించలేకపోయారని, విద్యార్థులకు 35 మార్కుల చొప్పున వేశారని, దీంతో పిటిషనర్లను కౌన్సెలింగ్‌కు అనుమతించడం లేదని పిటిషనర్ తరఫు న్యాయవాది నివేదించారు. 45 మార్కులు వచ్చిన వారినే కౌన్సెలింగ్‌కు అనుమతిస్తామన్న నిబంధనను సవరిస్తామని, 35 మార్కులు వచ్చిన వారినీ కౌన్సెలింగ్‌కు అనుమతించేలా 2 రోజుల్లో ప్రభుత్వం జీవో జారీచేస్తుందని అడ్వొకేట్ జనరల్ బీఎస్ ప్రసాద్ నివేదించారు. రెండో విడత కౌన్సెలింగ్‌ను కూడా అప్పటి వరకు నిర్వహించమని తెలిపారు. హైకోర్టు ఆదేశాల నేపథ్యంలో రెండో విడత కౌన్సెలింగ్‌ను జేఎన్‌టీయూ, ప్రభుత్వం వాయిదా వేసినట్లు సమాచారం.