Sakshi Education

సాక్షి, అమరావతి: జవహర్‌లాల్ నెహ్రూ టెక్నలాజికల్ యూనివర్సిటీ (కాకినాడ, అనంతపురం) ఆధ్వర్యంలో ఆంధ్రప్రదేశ్‌లోని ఇంజనీరింగ్ విద్యార్థులకు ఆన్‌లైన్‌లో గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్ (గేట్) కోచింగ్ ఇవ్వనున్నారు.

రాష్ట్ర ప్రభుత్వ ఆదేశాల మేరకు రాష్ట్ర ఉన్నత విద్యామండలి ఈ మేరకు ఏర్పాట్లు చేస్తోంది. ఇప్పటికే విద్యా శాఖ మంత్రి డాక్టర్ ఆదిమూలపు సురేష్ అన్ని యూనివర్సిటీల వీసీలతో వీడియో కాన్ఫరెన్స్ నిర్వహించి

విద్యార్థులు లాక్‌డౌన్ సమయాన్ని సద్వినియోగం చేసుకునేందుకు కేంద్ర, రాష్ట్ర ప్రభుత్వాల పరిధిలోని విద్యా విభాగాలు ఆన్‌లైన్, డిజిటల్ వేదికల ద్వారా అనేక విద్యాసంబంధిత కార్యకలాపాలు నిర్వహిస్తున్నాయి.
తాజాగా రాష్ట్ర ఉన్నత విద్యామండలి, జేఎన్‌టీయూ (అనంతపురం) జేఎన్‌టీయూ(కాకినాడ) యోగి వేమన విశ్వవిద్యాలయం (కడప) ఆధ్వర్యంలో గేట్‌కు ఆన్‌లైన్ కోచింగ్ ఇవ్వనున్నారు.
రాష్ట్రంలోని ఇంజనీరింగ్ కాలేజీల్లో 3,4వ సంవత్సరాల విద్యార్థులకు అనుభవజ్ఞులు, నిపుణులతో ఈ శిక్షణ తరగతులు నిర్వహిస్తారు.
గేట్ పరీక్షలకు సంబంధించిన ప్రతి సబ్జెక్టును 12 సెషన్లలో 12 రోజుల పాటు బోధిస్తారు. ఒక్కో సెషన్ రెండు గంటల సేపు ఉంటుంది.
రోజుకు రెండు సబ్జెక్టుల చొప్పున, ఇద్దరు చొప్పున వేర్వేరు ఫ్యాకల్టీ బోధిస్తారు.

ఆన్‌లైన్ శిక్షణలో ముఖ్యమైన తేదీలు:
ఆన్‌లైన్ రిజిస్ట్రేషన్ ప్రారంభం: మే 2, 2020
రిజిస్ట్రేషన్‌కు చివరి తేదీ: మే 7, 2020
తరగతులు ప్రారంభం: మే 11, 2020

వెబ్‌సైట్లు:
www.jntua.ac.in/gate-online-classes/registration
www.jntua.ac.in/gate-online-classes/list-of-faculty

కో- ఆర్డినేటర్లు :
1. డాక్టర్ ఎస్.వి. సత్యనారాయణ, డెరైక్టర్ అకడమిక్ అండ్ ప్లానింగ్ జేఎన్‌టీయూ.
మొబైల్: 9849509167
2. డాక్టర్ వి.శ్రీనివాసులు, డెరైక్టర్ ఫ్యాకల్టీ డెవలప్‌మెంట్ సెంటర్, జేఎన్‌టీయూకే.
మొబైల్: 9701278555

Published date : 02 May 2020 02:41PM