డిసెంబర్ 1 నుంచి ఇంజనీరింగ్ తరగతులు: ఏఐసీటీఈ

ఇప్పటికే ఐఐటీలు, ఎన్‌ఐటీలకు సంబంధించి అడ్మిషన్ల ప్రక్రియ కొనసాగుతుండటంతో పాటు పలు రాష్ట్రాల నుంచి విన్నపాలు వస్తున్న నేపథ్యంలో తరగతుల ప్రారంభంపై ఈ నిర్ణయం తీసుకున్నట్టు మండలి సభ్య కార్యదర్శి ప్రొఫెసర్ రాజీవ్ కుమార్ పేర్కొన్నారు. నవంబర్ 30 నాటికి ఫస్టియర్ అడ్మిషన్లను పూర్తి చేసి డిసెంబర్ 1 నుంచి తరగతులు ప్రారంభించాలని వివరించారు. ఇంతకు ముందు నవంబర్ 1 నాటికి చివరి విడత సీట్ల కేటాయింపు పూర్తి చేసి అదే రోజు నుంచి తరగతులు ప్రారంభమయ్యేలా ఏఐసీటీఈ ప్రకటించింది. తాజాగా దాన్ని నవంబర్ 30 నాటికి అడ్మిషన్లను పూర్తి చేసి డిసెంబర్ 1 నుంచి తరగతులు ప్రారంభించాలని పేర్కొంది.