బీటెక్ బయోటెక్నాలజీలో ప్రవేశానికి ప్రత్యేక పరీక్ష!

తప్పనిసరిగా ఇంటర్మీడియెట్‌లో మ్యాథ్స్ చదివి ఉండాలి. అలాకాకపోతే కనీసం మ్యాథ్స్ బ్రిడ్జి కోర్సు అయినా చేసి ఉండాలి. అయితే, ఈ నిబంధనను మార్చాలని జేఎన్‌టీయూహెచ్ యోచిస్తోంది.

బైపీసీ చదివి మ్యాథ్స్ బ్రిడ్జి కోర్సు చేయకుండా ఎంసెట్‌లో ర్యాంక్ వచ్చిన అభ్యర్థులకు ప్రత్యేక ప్రవేశ పరీక్ష నిర్వహించాలని అధికారులు యోచిస్తున్నారు. ఈ మేరకు ఉన్నత విద్యా మండలికి ప్రతిపాదనలు పంపించినట్లు తెలిసింది. అగ్రికల్చర్ అండ్ మెడికల్‌లో ఎంసెట్ రాసి అర్హత సాధించిన విద్యార్థులు ఈ ప్రత్యేక పరీక్షలో ఉత్తీర్ణులైతే బీటెక్ బయోటెక్నాలజీలో ప్రవేశాలు కల్పిస్తారు. ఇప్పటికే ఎంసెట్ నోటిఫికేషన్ జారీ చేసినప్పటికీ ఈసారి ప్రవేశాల్లో ఇందుకు అవకాశం కల్పించాలని భావిస్తున్నారు. దీనిపై త్వరలోనే నిర్ణయం తీసుకోనున్నారు. ఈ విషయంపై వచ్చిన విజ్ఞప్తుల మేరకు జేఎన్‌టీయూహెచ్ అధికారులు చర్యలకు పూనుకున్నారు.