Sakshi Education

సాక్షి ఎడ్యుకేషన్: తెలంగాణ రాష్ట్ర ఇంజనీరింగ్‌, అగ్రికల్చర్‌, ఫార్మసీ కోర్సుల్లో ప్రవేశాల కోసం నిర్వహించిన టీజీ ఈఏపీసెట్‌ 2025 (TG EAPCET 2025) ఫలితాలు మే 11 ఉదయం 11:00 గంటలకు విడుదల కానున్నాయి. ముఖ్యమంత్రి శ్రీ రేవంత్ రెడ్డి తన నివాసంలో ఫలితాలను విడుదల చేయనున్నారు. ఈ విషయాన్ని ఈఏపీసెట్‌ కో–కన్వీనర్ డాక్టర్ విజయకుమార్‌రెడ్డి వెల్లడించారు.

tg eapcet 2025 results counselling delay reasons TG EAPCET 2025 results announcement Chief Minister Revanth Reddy to release TG EAPCET 2025 results

ఈఏపీసెట్ ఫలితాలను అధికారిక వెబ్‌సైట్ https://eapcet.tsche.ac.in ద్వారా తెలుసుకోవచ్చు. ఫలితాలను వేగంగా తెలుసుకునేందుకు 'సాక్షి ఎడ్యుకేషన్' కూడా ప్రత్యేక ఏర్పాట్లు చేసింది.

చదవండి: College Predictor - 2024 - AP EAPCET | TS EAMCET

కౌన్సెలింగ్ ఆలస్యం: కారణాలివే

ఏఐసీటీఈ (AICTE) అనుమతులు ఇంకా రావాలి
ఇంజనీరింగ్ కాలేజీలు సీట్ల పెంపు కోసం దరఖాస్తులు చేసుకున్నా, ఏఐసీటీఈ అనుమతి ఇంకా మంజూరు కాలేదు. అనుమతి లేకపోతే కౌన్సెలింగ్ ప్రారంభం కాలే అవకాశం ఉంది.

అనుబంధ గుర్తింపు ప్రక్రియ పూర్తి కాలేదు
159 కాలేజీలకు అనుబంధ గుర్తింపు ఇంకా మంజూరు కాలేదు. మౌలిక వసతులు, అధ్యాపకులు వంటి అంశాలపై విశ్వవిద్యాలయాల పరిశీలనలు ఇంకా జరుగుతూనే ఉన్నాయి.

నిర్దిష్ట ఫీజు వివరాలు లేవు
ఇంజనీరింగ్‌, ఫార్మసీ కోర్సులకు సంబంధించి 2025-26 విద్యా సంవత్సరానికి ఫీజులు టీఎఫ్‌ఆర్‌సీ (TFRC) ఇంకా ఖరారు చేయలేదు. కొన్ని ప్రైవేటు కాలేజీలు భారీగా ఫీజు పెంపు ప్రతిపాదనలు పంపాయి.

జోసా కౌన్సెలింగ్ షెడ్యూల్ జారీ కాలేదు
జాతీయ స్థాయి IIT, NITల ప్రవేశాల కోసం జోసా కౌన్సెలింగ్ షెడ్యూల్ ఇంకా విడుదల కాలేదు. దీంతో రాష్ట్ర ఇంజనీరింగ్ కౌన్సెలింగ్ ఆలస్యమయ్యే అవకాశం ఉంది.