టీఎస్ ఎంసెట్-2 దరఖాస్తు గడువు పెంపు

దీంతోపాటు షెడ్యూల్‌లోనూ పలు మార్పులు చేసింది. ఈ వివరాలను మండలి చైర్మన్ తుమ్మల పాపిరెడ్డి మంగళవారం వెల్లడించారు. ఆలస్య రుసుం లేకుండా దరఖాస్తుల గడువు మంగళవారం రాత్రితోనే ముగిసింది. ఈనెల 1వ తేదీ నుంచి మంగళవారం రాత్రి 7 గంటల వరకు 51,009 దరఖాస్తులు మాత్రమే వచ్చాయి. ఇందులో ఉస్మానియా వర్సిటీ పరిధిలోని తెలంగాణ జిల్లాల నుంచి 33,163 మంది, ఆంధ్రా యూనివర్సిటీ పరిధిలోని జిల్లాల నుంచి 9,678 మంది, శ్రీవేంకటేశ్వర యూనివర్సిటీ పరిధిలోని జిల్లాల నుంచి 6,691 మంది, ఇతర రాష్ట్రాల నుంచి 1,477 మంది దరఖాస్తు చేసుకున్నారు. మొత్తంగా దరఖాస్తుల సంఖ్య తక్కువగా ఉండటంతో అధికారులు ఆలస్య రుసుము లేకుండా దరఖాస్తు చేసుకునే గడువును పొడిగించారు.

ఇదీ తాజా షెడ్యూల్..

• ఆలస్య రుసుం లేకుండా దరఖాస్తులకు చివరి తేదీ: జూన్ 14
• 20వ తేదీ వరకు రూ.500 ఆలస్య రుసుముతో, 25వ తేదీ వరకు రూ.1000, 30వ తేదీ వరకు రూ.5 వేలు, వచ్చే నెల 6వ తేదీ వరకు రూ.10 వేల ఆలస్య రుసుముతో దరఖాస్తు చేసుకోవచ్చు.
• వచ్చే నెల 1 నుంచి 7 వరకు వెబ్‌సైట్ నుంచి హాల్‌టికెట్ల డౌన్‌లోడ్‌కు అవకాశం
• 9న ఎంసెట్-2 రాత పరీక్ష (ఉదయం 10 నుంచి మధ్యాహ్నం ఒంటి గంట వరకు). ఇదే రోజున ప్రాథమిక ‘కీ’ విడుదల.
• 12వ తేదీ వరకు ప్రాథమిక కీపై అభ్యంతరాల స్వీకరణ
• 14వ తేదీన ర్యాంకుల ప్రకటన