తెలంగాణలో ఎంసెట్ దరఖాస్తుల గడువు పొడిగింపు

ఈ నెల 28తో ఆలస్య రుసుము లేకుండా చేసుకునే దరఖాస్తుల గడువు ముగిసిందని, అయితే విద్యార్థుల నుంచి వచ్చిన విజ్ఞప్తుల మేరకు ఈ నెల 30 వరకు పొడిగించినట్లు వెల్లడించారు. విద్యార్థులు 30వ తేదీ వరకు ఆలస్య రుసుము లేకుండా ఎంసెట్‌కు దరఖాస్తు చేసుకోవచ్చన్నారు. ముందుగా ప్రకటించిన షెడ్యూల్ ప్రకారం ఈ నెల 29 నుంచి రూ.500 ఆలస్య రుసుముతో దరఖాస్తుల గడువు ఉందని, ప్రస్తుత మార్పు నేపథ్యంలో దాన్ని ఈ నెల 31 నుంచి అమలు చేస్తామన్నారు.

2.36 లక్షలు దాటిన దరఖాస్తులు: ఎంసెట్ దరఖాస్తులు 2.36 లక్షలు దాటాయి. సోమవారం రాత్రి 9 గంటల వరకు 2,36,654 మంది విద్యార్థులు దరఖాస్తు చేసుకున్నారు. ఇందులో ఇంజనీరింగ్ కోసం 1,37,635 మంది, అగ్రికల్చర్ అండ్ మెడికల్ కోసం 97,077 మంది దరఖాస్తు చేసుకున్నారు. ఈసారి అగ్రికల్చర్ అండ్ మెడికల్ కోసం దరఖాస్తు చేసుకున్న విద్యార్థుల సంఖ్య పెరిగింది. ఇందులో తెలంగాణ నుంచి 63,878 మంది, ఏపీ, ఇతర రాష్ట్రాల నుంచి 33,199 మంది దరఖాస్తు చేసుకున్నారు.