ఏపీ ఎంసెట్‌కు హైదరాబాద్‌లో 2 రీజనల్ సెంటర్లు

Sakshi Education

బాలాజీచెరువు (కాకినాడ): ఏపీ ఎంసెట్-16కు సంబంధించి హైద రాబాద్‌లో రెండు రీజనల్ సెంటర్లు ఏర్పాటు చేస్తున్నట్లు కన్వీనర్ సీహెచ్ సాయిబాబు సోమవారం ఒక ప్రకటనలో తెలిపారు.

మెహదీపట్నం పరిసరాల్లోని టౌలీచౌకీ, గోల్కొండ, లంగర్‌హౌస్, ఇబ్రహీంపట్నం, గండిపేట, రాయదుర్గం, షేక్‌పేట, గచ్చిబౌలి ప్రాంతాలను హైదరాబాద్ జోన్-ఎగా, చందానగర్, బీహెచ్‌ఈఎల్ , పటాన్‌చెరువు, కండ్లకోయ, జీడిమెట్ల, గండిమైసమ్మ, దూలపల్లి ప్రాంతాలను జోన్-బిగా కేటాయించినట్టు తెలిపారు. ఇప్పటివరకూ దరఖాస్తు చేసుకున్న అభ్యర్థులు కావాలనుకుంటే మార్చి 2, 3, 4 తేదీల్లో రీజనల్ సెంటర్లను మార్చుకోవాలని, ఆన్‌లైన్ దరఖాస్తుల్లో మార్పులకు ఏప్రిల్ 3 నుంచి 9 వరకూ అవకాశం కల్పించామని పేర్కొన్నారు. ఇప్పటివరకూ లక్షా పదివేల దరఖాస్తులు వచ్చాయన్నారు.

Published date : 01 Mar 2016 02:26PM