ఎంసెట్ తో స‌హా సెట్‌ల‌న్నీ మే నెల‌లోనే : ఏపీ ఉన్న‌త విద్యామండ‌లి

Sakshi Education

సాక్షి, అమ‌రావ‌తి: ఇంజ‌నీరింగ్ త‌దిత‌ర ప్రొఫెష‌న‌ల్ కోర్సుల్లో ప్రవేశానికి ఎంసెట్ స‌హా ఇత‌ర ప్రవేశ ప‌రీక్ష‌లను ప్ర‌క‌టించిన షెడ్యూల్ ప్రకారం నిర్వహించే అవ‌కాశాలు క‌నిపించ‌డం లేదు.

ప‌రీక్షల‌కు సంబంధించి రాష్ట్రంలో చేసిన ఏర్పాటులన్ని లాక్‌డౌన్ వ‌ల్ల ఎక్కడికక్కడే నిలిచిపోయాయి. ఈ కార‌ణంగా నిర్ణీత తేదీల్లో ప‌రీక్షల‌ నిర్వహణ సాధ్యం కాక‌పోవ‌వచ్చని ఉన్నత విద్యామండ‌లి వ‌ర్గాలు చెబుతున్నాయి.

ఎంసెట్- 2020 ఆన్‌లైన్ ప్రాక్టీస్ టెస్ట్స్‌, స్ట‌డీ మెటీరియ‌ల్‌, గైడెన్స్‌, ఇత‌ర అప్‌డేట్స్ కొర‌కు క్లిక్ చేయండి.

కార‌ణాలివీ...

లాక్‌డౌన్ కార‌ణంగా రాష్ట్రంలోని ఆన్‌లైన్ ప‌రీక్ష కేంద్రాల‌న్నీ కొంత‌కాలంగా పూర్తిగా మూత‌ప‌డ్డాయి. వాటిలో ఎన్ని కంప్యూట‌ర్లు ప‌నిచేస్తాయో తిలీని ప‌రిస్థితి.
ముఖ్యంగా ప‌వ‌ర్ బ్యాంక్ ఆఫ్ ఉందో లేదో గుర్తించాలి. ఎన్ని ప‌నిచేస్తున్నాయో ప‌రిశీలించాకే ఆయా కేంద్రాల్లో ప‌రీక్షల‌కు హాల్ టికెట్లు జారీ చేయాల్సి ఉంటుంది.
ఇలాంటి స‌మ‌స్య‌ల‌ను స‌ర్దుబాటు చేసుకోవ‌డానికి కొంత స‌మ‌యం పుడుతుంద‌ని ఉన్న‌త విద్యామండ‌లికి టీసీఎస్ విన్నవించింది.
తొలుత మార్చి 29 వ‌ర‌కు ఎంసెట్ ఆన్‌లైన్ ద‌ర‌ఖాస్తుకు తుది గ‌డువు విధించ‌గా.. ఏఫ్రిల్ 5 వ‌ర‌కు పొడిగించారు.
లాక్‌డౌన్ విధించ‌డంతో ద‌ర‌ఖాస్తు గ‌డువును ఏప్రిల్ 17 వ‌ర‌కు పొడిగించ‌క త‌ప్పలేదు. తొలుత ఈ నెల 20 నుంచి 24 వ‌ర‌కు ఎంసెట్ ప‌రీక్షల‌కు షెడ్యూల్ ఇచ్చారు.
ఇప్ప‌టికీ సుమారు 50 వేల మందికి పైగా విద్యార్ధులు ఎంసెట్ కు ఆన్‌లైన్ ద‌ర‌ఖాస్తుల‌ను స‌మ‌ర్సించాల్సి ఉంది.
ఈ దృష్ట్యా సెట్ల‌ను నిర‌వ‌ధికంగా వాయిదా వేసి ప‌రిస్ధితుల‌ను బ‌ట్టి మే నెల‌లో కొత్త షెడ్యూల్స్ జారీ చేస్తామ‌ని ఏపీ ఉన్నత విద్యామండ‌లి చైర్మన్ ప్రొఫెస‌ర్ కె హేమ‌చంద్రారెడ్డి తెలిపారు.

Published date : 09 Apr 2020 06:06PM