ఆగస్టు 10 నుంచి ఏపీ మెడికల్ కౌన్సెలింగ్

తొలి రోజు 10వ తేదీ ఉదయం వికలాంగ అభ్యర్థుల సర్టిఫికెట్లు పరిశీలించిన అనంతరం వారికి కౌన్సెలింగ్ నిర్వహిస్తారు. మధ్యాహ్నం 3 గంటల నుంచి ఓపెన్ కేటగిరీ సీట్లకు కౌన్సెలింగ్ ప్రారంభమవుతుందని తెలిపారు. ఆగస్టు 13వ తేదీ వరకు ఓపెన్ కేటగిరీ, 14 నుంచి 17 వరకు రిజర్వేషన్ కేటగిరీ (బీసీ/ఎస్‌సీ/ఎస్‌టీ) సీట్లకు కౌన్సెలింగ్ నిర్వహిస్తామని తెలిపారు. ఆగస్టు 7, 8 తేదీల్లో స్పెషల్ కేటగిరీ (ఆర్మీ, ఎన్‌సీసీ, స్పోర్ట్స్, పోలీసు) కోటా అభ్యర్థుల సర్టిఫికెట్ల పరిశీలన జరుగుతుందని పేర్కొన్నారు. విజయవాడ, తిరుపతి, విశాఖపట్నంతోపాటు హైదరాబాద్ జేఎన్‌టీయూలో కేంద్రం ఆన్‌లైన్ కౌన్సెలింగ్ నిర్వహించనున్నట్లు తెలిపారు. పూర్తి వివరాలతో కూడిన నోటిఫికేషన్‌ను జూలై చివరి వారంలో జారీ చేస్తామన్నారు.