6న ఏపీ ఎంసెట్-2017 నోటిఫికేషన్

ఈ ఏడాది మెడిసిన్ ప్రవేశ పరీక్ష జాతీయ స్థాయిలో నిర్వహిస్తున్న నేపథ్యంలో ఇంజనీరింగ్, అగ్రికల్చర్, ఫార్మసీ, వెటర్నరీ సైన్‌‌సలకు మాత్రమే ప్రవేశ పరీక్ష నిర్వహిస్తామన్నారు. పరీక్ష ఆన్‌లైన్‌లో ఏప్రిల్ 24, 25, 26, 27వ తేదీల్లో ఉదయం 10 గంటల నుంచి మధ్యాహ్నం ఒంటి గంట వరకు, మధ్యాహ్నం 2.30 నుంచి 5.30 గంటల వరకు నిర్వహిస్తామని, ప్రతి రోజూ 40 వేల నుంచి 50 వేల మంది హాజరయ్యేలా ఏర్పాట్లు చేస్తున్నామని చెప్పారు. ఆన్‌లైన్ పరీక్ష నిర్వహణకు సీసీఎస్, ఏపీ ఆన్‌లైన్‌లతో ఒప్పందం జరిగినట్టు చెప్పారు. దాదాపు రెండు లక్షల మంది పరీక్ష రాస్తారని అంచనా వేస్తున్నామన్నారు. గతంలో రూ.350 ఉన్న పరీక్ష రుసుమును రూ.450కి పెంచినట్లు తెలిపారు. ఈ ఏడాది నుంచి పరీక్ష ఆన్‌లైన్‌లో జరుగుతున్నందున విద్యార్థులకు మాక్, ప్రాక్టీస్ టెస్ట్‌లను అన్ని కళాశాలలూ నిర్వహించేలా చర్యలు తీసుకుంటున్నామని చెప్పారు. హైదరాబాద్‌లో కూడా సెంటర్ల ఏర్పాటుకు సన్నాహాలు చేస్తున్నామని తెలిపారు.