Sakshi Education
హైదరాబాద్: మౌలానా ఆజాద్ జాతీయ ఉర్దూ విశ్వవిద్యాలయం దూరవిద్య కేంద్రంలో పరీక్షల దరఖాస్తు గడువు తేదీని జూలై 15 వరకు పొడిగించినట్లు డీడీఈ ఇన్‌చార్జ్ డెరైక్టర్ ప్రొఫెసర్ ఎస్.కె.నఖ్వీ జూన్ 27న తెలిపారు.
దూరవిద్యలో బ్యాక్‌లాగ్ విద్యార్థులు, రిజిస్టర్ చేసుకున్న విద్యార్థులకు ఈ పెంపు వర్తిస్తుందన్నారు. రూ.200 అపరాధ రుసుం చెల్లించి జూలై 31 వరకు దరఖాస్తు చేసుకోవచ్చన్నారు. ఫీజును ఆన్‌లైన్‌లోనే చెల్లించాల్సి ఉంటుందన్నారు. ఈ వర్సిటీలో దూరవిద్యలో కోర్సులు పూర్తిచేయని వారికి వన్‌టైమ్ పర్మిషన్ పేరిట మరోసారి అవకాశం కల్పిస్తున్నామన్నారు. వీరంతా రీ రిజిస్టర్ చేసుకోవాలని పేర్కొన్నారు. రీ రిజిస్ట్రేషన్ దరఖాస్తును వర్సిటీ వెబ్‌సైట్‌లో అందుబాటులో ఉంచామని, దాన్ని డౌన్‌లోడ్ చేసుకొని సంబంధిత కార్యాలయాల్లో అందించాలని ఆయన సూచించారు.
Published date : 28 Jun 2018 02:41PM
