Sakshi Education
ఏఎన్‌యూ: ఆచార్య నాగార్జున విశ్వవిద్యాలయం దూరవిద్యా కేంద్రం ఆంధ్రప్రదేశ్, తెలంగాణ రాష్ట్రాల్లో గత ఏడాది డిసెంబరులో నిర్వహించిన బీఎస్సీ, బీహెచ్‌ఎం, బీబీఎం, బీబీఏ, బీఏ కోర్సుల మొదటి, రెండో, మూడో సంవత్సరం పరీక్షా ఫలితాలను ఫిబ్రవరి 12న విడుదల చేశారని దూర విద్యా కేంద్రం పరీక్షల విభాగం డిప్యూటీ రిజిస్ట్రార్ జి.జాన్సన్ తెలిపారు.
ఫలితాలను www.anucde.info వెబ్‌సైట్ ద్వారా పొందవచ్చు అన్నారు. రీవాల్యుయేషన్ ఫీజు చెల్లించేందుకు ఫిబ్రవరి 23 చివరితేదీగా నిర్ణయించామని, ఫీజు ఒక్కో పేపర్‌కు రూ.770 చెల్లించాలన్నారు. సంబంధిత దరఖాస్తులను ఫిబ్రవరి 28వ తేదీలోగా యూనివర్సిటీ దూర విద్యా కేంద్రంలో సమర్పించాలని సూచించారు.
Published date : 13 Feb 2018 02:29PM
