దూరవిద్య పరీక్షల ఫీజు షెడ్యూల్ విడుదల

డిగ్రీ, పీజీ, ఎంబీఏ, ఎంసీఏ, డిప్లొమా, సర్టిఫికెట్ తదితర కోర్సుల పరీక్షలు మే 21 నుంచి ప్రారంభమవుతాయని దూరవిద్య పరీక్షల కోఆర్డినేటర్ డాక్టర్ కె.వీరయ్య ఒక ప్రకటనలో తెలిపారు. పరీక్ష ఫీజు చెల్లించేందుకు ఏప్రిల్ 12 తుది గడువుగా నిర్ణయించారు. రూ.100 ఆలస్య రుసుంతో ఏప్రిల్ 20 వరకు, రూ. 500 ఆలస్య రుసుంతో ఏప్రిల్ 30 వరకు ఫీజు చెల్లించవచ్చని పేర్కొన్నారు. పరీక్ష ఫీజు, పరీక్షల టైంటేబుల్ తదితర వివరాలను www.anucde.info, www.anu.ac.in వెబ్‌సైట్ ద్వారా పొందవచ్చని సూచించారు. విద్యార్థులు సంబంధిత అస్సైన్‌మెంట్లను ఏప్రిల్ 30 లోగా ఏఎన్‌యూ దూరవిద్యాకేంద్ర వెబ్‌సైట్ ద్వారా సమర్పించాలని పేర్కొన్నారు.