Yashaswini elected for national level football training camp: జాతీయస్థాయి ఫుట్‌బాల్‌ శిక్షణ శిబిరానికి యశస్విని
Sakshi Education
అనంతపురం జిల్లాలో ఈ నెల 5 నుంచి 10 వరకు జరిగే జాతీయస్థాయి ఫుట్‌బాల్‌ శిక్షణ శిబిరానికి కాకినాడకు చెందిన నాని కృష్ణ యశస్విని ఎంపికయిందని కాకినాడ జిల్లా క్రీడామైదానం ఫుట్‌బాల్‌ కోచ్‌ స్వామి బుధవారం తెలిపారు.
Nani Krishna Yashasvi
ఈ నెల 3, 4 తేదీల్లో రాష్ట్ర ఫుట్‌బాల్‌ సంఘం ఆధ్వర్యంలో నిర్వహించిన ఇంటర్‌ జోనల్‌ పోటీలలో యశస్విని ప్రతిభను కనపరిచింది. ఈ నెల 10 నుంచి 20 వరకు కర్ణాటకలోని బెల్గామ్‌లో అండర్‌–13 జాతీయస్థాయి ఫుట్‌బాల్‌ పోటీలు జరగనున్నాయి. అనంతపురంలో శిక్షణ శిబిరంలో మంచి ప్రదర్శన కనబరిస్తే జాతీయస్థాయికి ఎంపికయ్యే అవకాశాలు యశస్వినికి ఉన్నాయని కోచ్‌ స్వామి తెలిపారు. బాలిక 6వ తరగతి చదువుతోంది.
