ప్రపంచవ్యాప్తంగా ప్రతి ఏటా ఏప్రిల్ 23వ తేదీ ప్రపంచ పుస్తక - కాపీరైట్‌ దినోత్సవాన్ని జరుపుకుంటారు. దీన్నే ప్రపంచ పుస్తక దినోత్సవం అని కూడా అంటారు.
ఈ ఏడాది పుస్తక దినోత్సవం థీమ్ ఇదే..
2025 పుస్తక దినోత్సవం థీమ్.. "సస్థిర అభివృద్ధి లక్ష్యాల (SDGs) సాధనలో సాహిత్య పాత్ర". ఈ థీమ్ ద్వారా, సాహిత్యం సమాజ అభివృద్ధిలోని కీలక అంశాలపై అవగాహన పెంచడంలో, ప్రేరణ కలిగించడంలో, చర్చలకు దారితీసే వేదికగా మారడంలో ఎంతటి పాత్ర పోషిస్తుందో గుర్తు చేస్తోంది.
ఈ థీమ్ ముఖ్యంగా.. పేదరికం, ఆకలి, అసమానత, లింగ సమానత్వం, విద్య హక్కు, వాతావరణ మార్పు వంటి ప్రధాన గ్లోబల్ సమస్యలపై దృష్టిని కేంద్రీకరించేందుకు సాహిత్యాన్ని ఒక శక్తివంతమైన సాధనంగా చూపిస్తుంది.
World Earth Day: నేడు ప్రపంచ భూ దినోత్సవం.. ఈ ఏడాది థీమ్ ఇదే..
ఈ రోజుకు సంబందించిన చారిత్రక, సాంస్కృతిక ప్రాధాన్యతను ఇక్క‌డ తెలుసుకుందాం..
సెయింట్ జార్జ్ డే: 17వ శతాబ్దపు యూరప్‌లో ఈ రోజును సెయింట్ జార్జ్ డేగా జరుపుకోవడం ఒక ఆసక్తికరమైన విషయం.
స్పెయిన్‌లోని సంప్రదాయం: స్పెయిన్‌లో పుస్తకం కొన్నవారికి గులాబీ ఇవ్వడం అనేది పుస్తకాల పట్ల వారికున్న ప్రేమను తెలియజేస్తుంది. ఇది చాలా అందమైన ఆచారం.
ప్రఖ్యాత రచయితల మరణం: సెవాంతెస్, షేక్సిపియర్ వంటి గొప్ప రచయితలు ఒకే రోజు మరణించడం యాదృచ్చికమే అయినా, ఈ రోజుకు ఒక ప్రత్యేకతను తెచ్చిపెట్టింది. అలాగే ఇతర రచయితల జననాలు, మరణాలు కూడా ఈ రోజును స్మరణీయంగా చేశాయి.
యునెస్కో ప్రకటన: 1995లో యునెస్కో ఏప్రిల్ 23వ తేదీని ప్రపంచ పుస్తక దినోత్సవంగా ప్రకటించడం ఈ రోజు యొక్క ప్రాముఖ్యతను మరింత పెంచింది. రచయితలు, ప్రచురణకర్తలు, పాఠకులు, ఉపాధ్యాయులను గౌరవించాలనే వారి ఉద్దేశం చాలా గొప్పది.
ప్రపంచ పుస్తక రాజధాని: ఏటా ఒక నగరాన్ని ప్రపంచ పుస్తక రాజధానిగా ప్రకటించడం ద్వారా యునెస్కో పుస్తక పఠనం యొక్క ప్రాముఖ్యతను ప్రపంచవ్యాప్తంగా చాటుతోంది. కొనాక్రీ (2017), ఏథెన్స్ (2018) వంటి నగరాలను ఎంపిక చేయడం ఆయా ప్రాంతాల సాహిత్య సంస్కృతిని తెలియజేస్తుంది.
Important Days: ఏప్రిల్ 15 నుంచి 30వ తేదీ వరకు ఉన్న ముఖ్య‌మైన రోజులు ఇవే..
